اخترنا لكم

نصد صدة واحدٍ ماله علاج
‏اللي من الضيقه كره لبس ثوبه
‏
‏ونعطي ولا نرجي ثنا كل هراج
‏ونحضر لكلمة مرحبا وابشروبه

.....

قطعت الرجاء من يوم برق الموادع لاح
‏غدت كل حاجه ما تبكي تبكّـيني

‏على اللي برى حالي غيابه وسدي باح
‏اكابر وازيف ضحكتي والبلا فيني

.....

‏انا العيوف اللي تَعاف ولاتِعاف
‏وانا غزالٍ بس ماني شارده

‏انا المهاه اللي هدب عيني لحاف
‏بحري غزير وصعب ماحدٍ يارده

.....

‏ابوي رباني وزرع بي مواجيب
‏يجني ثمرها كل منهو عرفني

‏اقّدر الطيّب واجازيه بالطيب
‏ولا الردي ماهمني وش وصفني

.....

‏لاغاب عنك اللي غيابه مصيبه
وطالت به الغيبه ولاجابه الشوق

ما فيه داعي تنشده عن مغيبه
ماغاب عنك الا وهو منك مسروق

.....

‏ياخاطري لاباح صبرك ومليت
‏مالك عن المقسوم صده وحيله

‏ان زان حظك جاب لك ماتمنيت
‏وان شان خـّلا الهينه مستحيله

.....

‏بعض الصداقه لو اهلها يغيبون
‏تبقى لو ظروف المواجه شحيحه

‏والرفقه اللي حدها بالتلفون
‏تضيع لا ضاعت علينا الشريحه

.....

السهر شين وساعـة النوم حلت
وابي السموحه وانتلاقا على خير

النـفس مـنكم لا تظنون ملت
ابداً وكلي عذر عن كل تقصير

.....

انت اللذي بين الحنايا تعمقت
ماغيرك احد يا لغلا صار ذوقي

زرعت حبك في حشاي وتشمعت
انت الوحيد اللي لعيني يروقي

.....

‏غلاك فاق الوصف يا كامل الذوق
‏النبض يعزف على المهاديف لحنك

‏حبر القصيد وعطر الأنفاس والشوق
‏ جمعتها داخل خفوقي لعينك

.....