فوق هام السحب ( الشعر الشعبي) على متن القوافي

حنا ربينا في مرابي اهل الطيب
اللي تميزهم وصوف وعلامه

وان كان لبيوت المعزه معازيب
حنا معازيب الوفا والعھرامه

....

يعجبني الواثق سليم النوايا
نهجه على وضح النقا مايهمه

واكره من المرتاب كل السوايا
مهما مدح نفسه سواته تذمه

....

ياخوي انت السند حزة الضيق
وانت الذي يغني عن الناس ظله

الطيب يرفع من مقام المخاليق
وانت بمقامك ترفع الطيب كله

....

‏لاتوصيني على حفظ السراير وانت غالي
‏والله اني حافظك وادرى عليك وكلني لك

‏لاكتبت اسمك وانا فالبر لو اني لحالي
‏ألتفت وامحيه من خوفي عليك وحبني لك

....

اللي اليا شافني قصّرت كمّلني
ياكيف أجازيه ولا أرد له طيبه

واللي على أصغر عيوبي ماتحمّلني
يامرحبا بالضروف اللي تقفي به

....

فدا عينك زمانٍ فات من لوعه ومن هوجاس
‏ومن ضحكة سراب سافرت في بحر أوهامي

....

من نفسك أصنع لذاتك حشمه وقيمه
‏صنيعة الناس لاودت ولا جابت

....

صرت أوالف جوي الهادي وأحب العزله
‏والنفوس اللي تشل الحقد ما أواطنها

بقلمي

من سمو المهابه اخذت طبع العلو
‏ما التفت لغياب ولا انتظرت الوعود

‏وما يسد بمكاني ناس مهما علو
‏في سما عزتي ماللكبر اي وجود

....

عن مايشد الاخرين اغض عيني باعتزاز
‏العين شرهه والضمير اللي ورا العوج استراح

‏واللي مُتاح من الفرص مهوب يسوا الانتهاز
‏انا احب الكايد اللي مستحيل انه يُتاح

....