فوق هام السحب ( الشعر الشعبي) على متن القوافي

‏من باب الاعجاب لاتسأل عن اعجابي
اسألني تحب بجاوبك حبيتك

أي والله إني عشقتك يا اخر احبابي
وصديت عن مجمل البشر من جيتك

في وجه غيرك مسكر عيني وبابي
غالي وزاد الغلا يوم إني أغليتك

....

مايطلع الصبح لين يقوم من نومه
‏ومن نور وجهه تنوّر سبع الاراضي

‏الصبح لو مايجيني غير بعلومه
‏لقيتني رايق ومستانس وراضي

....

‏أنا البارحة ياطول ليلي غدا ليلين
‏تبيّن شعاع الشمس مارتحت برقادي

‏أعد النجوم الساريه والعرب ممسين
‏وأعد الأسامي وأرفع الصوت وانادي

‏سرى النوم من عيني مع هجعة التالين
‏وصارت هجوس القلب سردادي مردادي

....

سموتَ بالأكوانِ ذِكرًا عاطِرًا
وكساكَ منْ حُللِ الجمالِ وأودَعا

حلّتْ عليكَ صلاةُ ربِي كُلّما
رُفعت أكفٌ للإله تضرعا

فعليكَ من صلواتِ ربّي هَاطلاً
عدَّ الحصَى مُتَرَادِفًا مُتتابِعًا


اللهم صل وسلم وبارك على نبينا محمد

مع الهواجيس اندمج والزم الصمت
الهاجس اللي بالضماير كتمته

شفت الردي في الاصدقا يوم فكرت
يا كم صديق لي عرفته وعفته

....

ياحي طبع اللي يصون الصداقه
حتى لو انه ماتعنّى وسيَّر

يحفظ أصول المعرفه والعلاقه
ويبقى على طول الدّهر ماتغيّر

....

ياحبي الاول ترا الدنيا مطاف
قد مت في حبك وعمري مستمر

هاتي يديني في يدينك لانخاف
انا معك وانتي معي والله امر

فراش موتك صار لي قاعة زفاف
قدمت لك خاتم وقدمتي عمر

....

‏اشلون أبدل راحة القلب وانساك
‏وسلى بحياتي مثل كل الاوادم

‏المشكله انك داخل القلب وهواك
‏وبعيش بك حبٍ ولاني بنادم

....

مادامت الدعوه قصيد ومحبين
ومادمت يالمحبوب عندي مكرم

بقول حاجه وحطها بين قوسين
حبك حلال وحب غيرك محرم

....

كلاً ينام وتقبل النوم عينه
قلبي هواجيسه عن النوم تشقيه

اضحك مع العالم وروحي عليله
واكتم بقلبي شئ ماودي اطريه

....