01-23-2010, 10:08 AM | #1 |
|
آلصمت له عندي معزّه ومقدار ....
في زحمة الافواه .. يا مزين الصمت !! لا صار بعض البوح عند البشر عار لو يشتعل جوفي حشى ما تكلّمت تعبت من قولة : (علامك) و وش صار ؟ وان طحت ما ألقى سوى كلمة (سلمت) واعذار اخلقها ولو مالي اعذار مشّيتها مره .. ومرات ما رمت !! كذبة صباح الخير/ يا صبح الانوار عذري ليا عدّت ليالي ولا نمت اسهر طوال الليل وضْيوفي افكار واقول لاْصحابي : نعم توّني قمت !! ما عاد فيني ألفت عْيون واْنظار يكفي بأني من زماني تعلّمت ان الصدر بيتــ ٍ.. وسكّانه اسرار نيّام .. بس يصحون لامن تألّمت يصحون ويناظرهم الجار والمار وش عاد ينفع سترهم لو تكتّمت ؟!! آقدّم اقدامي على درب الاصرار امشي ولكن للأسف ما تقدّمت النار قدامي .. ومن خلفي النار !! والعمر يمضي بي وانا ما تولّمت الين ذاك الحلم في لحظه انهار وانا مع لحظة سقوطه تحطّمت جروحي كثار..وتناهيدي كثار لكن على كثر المواجع .. تبسّمت !! ثم أْلتزمت الصمت وعزومي اكبار ولو يشتعل جوفي حشى ما تكلّمت ••●•تحياتي وأشواقي ●•●• تركي العمري |
01-23-2010, 10:39 AM | #2 |
اداري سابق
|
رد: آلصمت له عندي معزّه ومقدار ....
ثم أْلتزمت الصمت وعزومي اكبار
ولو يشتعل جوفي حشى ما تكلّمت طروحاتك اخي تركي في غاية الاهميه ولاابداع وفقك الله ورفع شانك |
|
|
المواضيع المتشابهه | ||||
الموضوع | كاتب الموضوع | المنتدى | الردود | آخر مشاركة |
هدف:المدارس الاهلية ملزمة بصرف رواتب معلميها خلال الاجازة الصيفية | ام الغلا | الصحافة المحلية والعالمية | 2 | 07-30-2015 11:25 AM |
إن للصمت لغة تطحن عظام الأقوياء | ابو العرجا | المنتدى العام | 6 | 11-19-2011 10:23 PM |
هنا اقــدم للصمت احترامـــــي | عبدالله الشمراني* | المنتدى العام | 2 | 07-09-2011 07:36 PM |
للصمت بعيونك وطن .. ورموشك الشعب الصموت . | أصــدق ن | القصائد الصـوتية والمرئية | 4 | 01-28-2011 01:50 AM |
قبل أبتدي عندي طلب.. | سلمان | المنقولات الأدبية | 6 | 12-21-2009 10:00 PM |