من أجمل ما قيِل في الشعر النبطي !!!

ياحن قلبي حن ماكٍ مـع الطلعـات
لا عشقّـه بالعايـدي والدبـل جـرّه

جرمه ثقيل وحملّـوا فوقـه البيبـات
ويدعس لبنزينـه ولاكن ما سـرّه

أنا دمع عيني بالدقايق وبالساعـات
ولاهي على فرقا المحبيـن مستـرّه

هواجيس قلبي كل مااقول راحت جات
تخالف علي باليوم خمسة عشر مرّه

‏صدوف الليالي مدرسة والحياة ظروف
ولا فيه شي أحلا مَن الطيّب في حلَّه
َ
لا تندم على المعروف ياراعي المعروف
ليا ضاع عِند النَّاس ماضاع عند الله
َ
وأكثر مايضيّق خاطري نشدة الملقوف
ليا شاف فيني مَن ظروف الزمن خلَّه
َ
وعساني ليا زليت ما زل عند ضعوف
عَسى زلتي قـدام مَن يـدمـح الزلّـه

لا تشتكي حالك على كل من جاك
بعض البشر يفرح الى قلت مهموم

يخفي سمومه بين همك وشكـواك
يشمت بحالك والحصيله شقا ولوم

واحذر من اللي ينقل الهرج لعداك
يظهر لك الطيب وهو منه معـدوم

قلبه مريض ويخلط السم بـدواك
يعرض عليك الرأي والرأي مسموم

وابعد عن اللي يستغلك الى جـاك
تلقاه دايم بين الأخيار مذمـوم

احسب حسابك في كلامك ومعناك
وسط المجالس كل ما ادليت بعلوم

خل سمعك اكثر من كلامك وفتواك
تلقى القدر يمك من الناس ملـزوم

ولا تذكر افعالك بما تجود يمنـاك
عنك الولي يدري ولك الخير مقسوم

وخلك مع اللي يشتكي لك وينخاك
بك ينتخي من ضيم الأيام وهموم

خذها وصايا تسعـدك دوم دنيـاك
واحفظ معانيها تحفظك من اللـوم

والودِّ طبعي
وعيَّا الطبعِ لايخرج مِن الرَّوح
والحُبِ شلَّش عليَّ
والحِسايف مِتعبتني
هم علَّموني بضحِك السَّنِ
حتى صِرت مجروح
وأستقصدوا الصَّدِ
والهجران وأوَّلها مزوحِ
الله يجازيك
يامن هو مفرِّق بين الأثنين
فرَّقت مابينهم
مِن بعد ماكانوا نياما ..
؛الشاعرة السودانية
أسماء الجنيد-
و
@جاهله@

والودِّ طبعي
وعيَّا الطبعِ لايخرج مِن الرَّوح
والحُبِ شلَّش عليَّ
والحِسايف مِتعبتني
هم علَّموني بضحِك السَّنِ
حتى صِرت مجروح
وأستقصدوا الصَّدِ
والهجران وأوَّلها مزوحِ
الله يجازيك
يامن هو مفرِّق بين الأثنين
فرَّقت مابينهم
مِن بعد ماكانوا نياما ..

؛إبراهيم الخفاجي
و
@جاهله@