09-14-2008, 02:44 AM
|
#1 |
|
مشرف سابق
 |
×÷•.•°¯`•)» (لايفوتكم قصيدة شاب فقير) «(•°¯`•.•÷×
شاب فقير خطب بنت عمه المليونير
وزود عمه طلباته عليه فقال القصيده: سبحان من يرزق بتوع الملاييـن الرازق اللي ما يخيب الرجـا بـه لي عم عنده معـرضٍ للصواليـن أموت واعرف بس من وين جابـه وإذا سألته قـال بعـت الدكاكيـن ما يدري إني ما هضمت الإجابـه الشاهد إني رحت له قبـل يوميـن في قصره العامـر ودقيـت بابـه قال ارحب ارحب عدّ ورد البساتين يا مرحبا باللـي لفـا يـا هلابـه قلت البقا عـدّ النفـل والرياحيـن يا شيخ شمل اهل الكرم والذرابـه قال اسلم الله يحفظك لي من العين وآمر أوامر حضرتـك مستجابـه قلت الصراحة طالبٍ قرب غاليـن ودي تزوجنـي كريمتـك يـابـه ثنّى وقال اهليـن والله وسهليـن والكون ترخص لجل عينك رقابـه لكن ترا عندي شـروط وقوانيـن قلت اشرط اشرط يا حبيب الغلابـه قال أولاً مهر العروسـة ثمانيـن غير الرسوم وغير حق العصابـه والثانية عمك يبي منـك سبعيـن رسم الأبـوّة والنسـب والقرابـه وام العروسة حقها منـك ستيـن عشانها ست الحسـن والمهابـه واخوانها كلن يبي منـك خمسيـن عداً ونقـداً تنـدرج فـي حسابـه وخواتها الخمس اعطهن من ثلاثين عشان تتوثـق عـروق النسابـه وتجيب طقم عيار واحد وعشريـن وخاتم من الماس المصفى ترابـه واكياس متروسة كعوب وفساتيـن ألوانهـا واشكالهـا مـا تشابـه وموتر بسواقـه وفيـلا بدوريـن أثاثهـا مـن بطرتـه ينحكـابـه واحجز لنا قاعة بقصر السلاطيـن واحجز بهـا رقاصتيـن وربابـه وامنع دخول اهل اللحى والبزارين واعزم أميـر المنطقـة بالنيابـه هذي الشروط اللي على بالي الحين وذكرني اللي ما حسبنـا حسابـه قلت اذكر الله يا عـدو المساكيـن واستغفـره لا يبتلـيـك بعـذابـه الظاهر إنك منت عارف أنا ميـن أنا لو ارقا فـوق متـن السحابـه ما جبت حتى نص درزن مواعيـن واضحك بكيفك واعتبرهـا دعابـه شروطكم هذي شـروط المجانيـن شروطكم شغـل ابتـزاز ونهابـه شروطكم تقصم ظهـور البعاريـن شروطكـم همّـن وغـم وكآبـه شروطكم والله سيوف وسكاكيـن تذبح بنات المجتمع مـع شبابـه وين الرضا والعطف واليسر واللين اللي ذكرهـا الله بمحكـم كتابـه وين الصفات اللي أمرنا بها الديـن وين اختفى نهج اهل النبي والصحابـه يا عم جعل اللي خلقنا من الطيـن يرد عقلك مـن خطـاه لصوابـه ويجعل نصيبي عند غيرك قل آمين ويحسن عزا الصابر ويجزل ثوابه قال انت لو فكرت تفكير صاحيـن ما شفت في مجمل شروطي غرابه حنا بعصـر العولمـة والمزاييـن ماهوب عصر الفلسفة والخطابـه الناس تسعى للرتـب والنياشيـن وانت اهتمامك بالشعـر والكتابـه والشعر ما ينفعك لو هو دواويـن ما دام جيبك مثـل بيـت الخرابـه يا بوك لا تسمع كلام المصاخيـن واسأل مجرب عاش في وسط غابه قلت الله اكبر يا محـرر فلسطيـن من يسمعك يحسبك ذيـب الذيابـه تراك شايب راس مالـك رياليـن والبنت ما تسوى جنـاح الذبابـه قال انقلع مالت على وجهك الشين لا عاد اشوفـك عندنـا يالزلابـه قلت ابشر ابشر لكن الباب من وين واقفيت من عنده على صوت بابـه تحيااااااااتي لكم |
|
|
|
09-14-2008, 04:22 AM
|
#2 |
|
عضو مؤسس
|
الله الله الله قصيدهـ رائعهـ جدا والمال في الزواج ما ينقاس !! بس وش نسوي هذي الدنيا والله يعين لاهنت يا عادل على القصيدهـ الرائعهـ تحياتي واحترامي |
|
|
|
|
09-14-2008, 04:44 AM
|
#3 |
|
مؤسس وعضو المجلس الإداري الأعلى
|
لاهنت وتسلم على هالكلمات التي تحكي واقع مرير للكثير من الآباء
لك مني تقديري وشكري |
|
|
|
|
11-01-2008, 07:49 PM
|
#6 |
|
مشرف سابق
|
ارحب يا بن صهبان
هلابعودتك ياغالي المهم والله لو ان البنت اصابعها ذهب حسبنا الله على هالمتشرطين قصيده رائعه في مضمونها وسلاستها الف شكر لك |
|
|
|
|
11-11-2008, 09:39 PM
|
#7 | |
|
مشرف سابق
|
اقتباس:
البقا اخوي علي الله يعطيك العافيه شاكر ومقدر مرورك يالغالي والرائع تعطيرك صفحتي تحياتي لك اخوك بن صهبان |
|
|
|
|
|
11-14-2008, 01:19 PM
|
#9 | |
|
مشرف سابق
|
اقتباس:
شاكر ومقدر مرورك يالغالي دمت بود اخوك البرنس |
|
|
|
|
 |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| اطعم فقير ليوم كامل بريالين فقط (صورة) | ساكتون | المنتدي الاسلامي | 2 | 01-19-2018 11:47 PM |
| رجل فقير وزوجته | عبدالله سعد حوفان | الخواطر والقصص والروايات | 1 | 10-23-2015 08:34 PM |
| شعر غزل بس غير ههههههههه...لايفوتكم | سلطان آل وافي | الضحك والفرفشة | 19 | 05-31-2010 11:48 AM |
| فقير ويعايـد علـى فقرانـي **امحق فقر وامحق بعد عيديـه | طارق آل مزهود | الخواطر والقصص والروايات | 10 | 12-02-2009 06:44 PM |
| قصيدة لشاب فقير خطب بنت عمه المليونير، إليكم القصيدة | الجابعي | المنتدى العام | 3 | 11-09-2009 07:02 PM |
العرض العادي
