ديوان الشاعر (بن منجيّة الشمراني) جميع قصائد الشاعر بن منجيّة "المعروف بـ دماوي حيل" |
|
أدوات الموضوع | إبحث في الموضوع | انواع عرض الموضوع |
03-21-2010, 02:42 PM | #1 |
مشرف عام سابق
|
آخر زمن
آخر زمن
يوم كان السدْو قايم وفيه الشيخ يآمــــــــر = يوم كان الشيخ شيخٍ وخدَّام القبيلــــــــه فيه طيب ودين والبيت للضيفان عامـــــــر = مقطعٍ للحَقّ والناس في بيته نزيلــــــــه والقلوب أصفى من الغيم لا جا منْه ماطــر = كلّ شي حيٍّ من الما وما من حيّ يجيلـه من تحَت ربِّي ومن تحْتها قوم وعشايـــــر = ترفع آكف الضراعه لربٍّ ترتجيلــــــــــه عُرْفَنا واحد ودولاب شيخ القوم سايـــــــر = خلفه الفرسان مطرق عصا ما فيه ميلـه صغيرنا ما ينطق ابداً ولا ياتي مطامـــــــر = يلزم إثمه لين يعْرِف وش الِّي هو يقيلـه وعودنا لا من نطق مثل حدّ السيف شاهر = يفصل المخطي ويجبر كسيرٍ عزِّتيلـــــــه وجا علانا حفنةٍ من ملا هَلْ المظاهــــــــر = يتبعون الموضه الِّي نتايجها قتيلـــــــــــه تقتل اخلاق الملا والعوايد والمشاعــــــــر = وتقتل أعراف البشر والكرامه والفضيلـه لين ما يبقى على الساحه آذان ومنابــــــر = ولا إحترام إلراعي الدين وإمام وفضيلــه صدق هذا آخر زمن, فيه تنشاف الكبايــر = كُنَّها إصغار, وسلوم العرب عادت فشيله صار مكيال الحياه ازداوجي, والمقامـــــر = فوق طاولْتْه يقايض على غدرٍ وحيلـــــه زمَّروا للغرب والغرب حطُّوهم مزامـــــــر = وقصدهم ياتو لعقر العوايد بالرذيلــــــــه ادنى ما يكشف عطيب النوايا والمجاهـــر = وما اسهل إنَّا ننكله ويعَرِف طعم النكيلـه واحدٍ منَّا عن الف إن دعت فينا الضمايـر = نشرق الغاوي بحلقه ونرديه النثيلــــــــه الادب ماهوب لعبة حواديت ومسامــــــــر = الادب دين وعوايد صناديقه قفيلـــــــــــه للّعِب وقتٍ وللجد وقت, ومن يكابـــــــــــر = فوق قول الحق, فالحق له ناسٍ كفيلــــه اصلح الله حال من زاغ قلبه والبصايـــــر = وعاد رشده لين ينهج معا نهج الجميلـه القضايا واجد وكم هنا مذنب وقاصـــــــر = جعلها تصفح من الله ولو كانت قليلـــــه الحيا شعبه وقلَّه يخلِّي الرَجْل بايــــــــــر = والكلام إن قلّ خِيره وما ودِّي نطيلــــــــه تحياتي القلبيه والقبليه |
03-21-2010, 08:15 PM | #2 |
نائب مدير المنتدى سابقاً
|
رد: آخر زمن
اشكرك ياابوهديل على هذي القصيده الرائعه
ولا تخاف مهما مرت سنين وسنين .. ومهما تغيرت النفوس يبقون شيوخنا لهم مقدار محد(ن) ينقصه وحتى وان وصلنا لأخر زمن فعاداتنا وتقاليدنا لن نرضى لها بديل عموما مشكور على القصيده الرائعه |
03-21-2010, 08:54 PM | #3 |
|
رد: آخر زمن
اخي العزيز ابو هديل ابيض وجه على هذه القصيده الجميله في كلماتها وانت دائما مشاركاتك رائعه ومميزه بارك الله فيك وتقبل مروري اخوك بن حمدان |
03-21-2010, 09:38 PM | #4 |
|
رد: آخر زمن
الادب ماهوب لعبة حواديت ومسامــــــــر = الادب دين وعوايد صناديقه قفيلـــــــــــه
للّعِب وقتٍ وللجد وقت, ومن يكابـــــــــــر = فوق قول الحق فالحق له ناسٍ كفيلـــــه اصلح الله حال من زاغ قلبه والبصايـــــر = وعاد رشده لين ينهج معا نهج الجميلـه تسلم يمينك يالغالي وصح الله لسانك لاهنت تحياتي لك |
03-22-2010, 08:47 PM | #5 |
مؤسس وعضو المجلس الإداري الأعلى
|
رد: آخر زمن
صح الله لسانك على هذه القصيده وماتحويه من معاني
تقبل مروري |
03-23-2010, 05:57 PM | #8 |
|
رد: آخر زمن
صح لسانك اخي ابو هديل
ودائما هذه هي القصائد الباقيه والهادفه تحياتي لك |
03-27-2010, 03:15 AM | #9 |
مشرف عام سابق
|
رد: آخر زمن
لا هنتو جميعا
وبيض الله وجيهكم ولي رجعه للرد على كل زائر بإسمه تحيه طيبه |
04-05-2010, 11:03 PM | #10 |
مشرف عام سابق
|
رد: آخر زمن
اخي فيصل الساهري
صح بدنك والله لايهينك وتشرفت بتواجدك اخي الكبير وشاعرنا المقدام بن حمدان حضور وسام وشرف وصح بنك وما عدمناك يالغالي اخي سيف الملوك صح بدنك والله يجمل حالك اخي علي الساهري ارحب يابو علوه حضورك يزيل الهم والغم وثقتنا فيك كبيره ومازالت واشكرك على كريم خصالك ورحابة صدرك اخي ابو حامد الله لا يهينك وصح بدنك وحضورك دعم ونجاح ويهمنا اخي بن عسرى صحة ابدانك يالغالي وعساك دوم سالم اخي قاسي راس مرحبا فيك وصح بدنك وشهادتك نعتز فيها وتزيدنا ابداع فلا هنت ودمت تحياتي ودمتم جميعا سالمين ومعافين |
|
|