وقت يشيب الراس

وقت يشيب الراس...

يالله يا جال الأمور المهمة
تجلا وهج قلب برا حال راعية

البر دجته والبحر رحت يمه
يقطعك يا حظ على الله مساعيه

يوم أن ولد اللاش رزقه على أمه
رزقي على اللي ميت القشع يحييه

يامل قلب كل ما مات همه
دارت دواليب الدهر لين تحييه

فراق شمل الناس عيا يلمه
وقت يشيب الراس من شايه فيه

أحد ينام وحط راسه بكمه
واحد تخم النوم عينه وتخطيه

واحد يحاول بالردى بنت عمه
واحد يحاول ستر عذراء عوانيه

ماني وأنا بندر ببياع دمه
يقطعك يا بياع دمه ومهفيه

اللي يبيع لابسات الازمه
ثور يبا بيض الرعابيب تغنيه

تخالف الانظار شرق ويمه
وكل هدف رايه من الناس مرضيه


بندر بن سرور