انا ويش اسوي في زمانى يابن نماس

انا ويش اسوي في زمانى يابن نماس
زماناّ مغامر والثقه فيه تخدعني

يحاول يوقفني على شفه من ياس
وعيت دروباّ تاسع الناس تاسعني

اخذبي على درب الشقاء والعناء مرواس
ولاباقي الا في المهامه يضيعني

تحملت من جور الليالي بدون قياس
ولو حملها ميل على المتن واوجعني

وصبرا ّ على الشده شجاعه وقوه باس
لكن الضروف القاسيه ماتطاوعني

ليا اجتمعت الثنتين حاجه وشيمه راس
وهذي تنزلني وهذيك ترفعني

رفعت النظر والله عطاني نظر واحساس
وهي ميزه في كل الاحوال تنفعني

ولو كان بين الصم والبكم لي مجلاس
هذا مايكلمني والاخر مايسمعني

حياه التجارب علمتني وانا حساس
وخلتني اعرف نظره العين وش تعني

وانا لو بدت لي حاجه عند بعض ناس
اريد الكلام وعزه النفس تمنعني


رشيد الزلامي