العدو الخفي - اهداء لشيهان شمران - ( انا كنت اتغزل )

انا كنت اتغزل واكسر الالحان بالابيات
وتلهيني مع الدنيا البلاد اللي نذرريها

وصوت الصقر والشيهان ردولي طموح الذات
وقالوا خل عنك اللي تقوله في جواريها

إهداء (( لشيهان شمران ))

****

العدو الخفي

عرفنا حاضر الايام من ماضي ومن ما فات
تحت حكمة ليالي العيد تعرفها عصاريها

ودين الله علمنا خوافي واقع اللذات
عرفنا نتقي الشبهات والبدعة و طاريها

وعلمنا اواخر رحلة الحيين و الاموات
وآيات القيامة والضروف اللي نباريها

سمعنا صوت تكبير الجهادي باسود الرايات
وتفجيرات في بغداد تدوي في حواريها

و يستغرب ضعيف الدين والايمان بالشبهات
بتحريف التفاسير التي تعكس مجاريها

مثيل الحوثي الخاين ومثل ايران والشيعات
شعارات العداوة ضد صهيون و تداريها

وتمشي بامر اوباما ولاترفض له الرغبات
ولو يبغى يفجرها ولو يبغى يعرريها

و ( ماسون الهرم ) يبنيه هدم الدين والعادات
و تشتيت القطيع اللي ترصّد له ضواريها

وحلّ الدين و ايقاظ الفتن في مبتدا الهجمات
وتشكيل الغلو في رايةن تغري مقاريها

غزونا من ورى شبوه ويغزون الحرم بالذات
ولكن ابرهة بالفيل يعجز عن براريها

عقديتهم على سفك الدمى و المعصية تقتات
وباسم الدين لجل يشوهونه لا تبرريها

وهم داعش وهم حوثه وهم صهيون في جبهات
واسم الشر جامع في مباديها و يبْريها

يحد السيف في غمده ولو بتنا فهو ما بات
عدو واحد له اسامي كثيره في صواريها

ولكن قم يا مسلم فهم لو قاوموك اشتات
و تفرق في البرية من ذيابتها جعاريها

وقوي ايمانك اللي قد صنع من اضخم الساسات
ولوغرتك دنيا للفنى بادت مشاريها

قصيده جميله ورائعه
فصح لسانك
يابو حواله الشمراني

صح لسانك ابو حوالة الشمراني
قصيد جميله
لك تحياتي وتقديري

صحت ابدانكم

كم انت رائع ابا حوالة
سامخة صح الله لسانك
فعلا تذوق الشعر واقف اجلالا
لعذب حرفك

بيض الله وجهك وصح بدنك