عسى ضيفنا اللي زارنا عقب دار الحول🌛💙

عسى ضيفنا اللي زارنا عقب دار الحول

عسى ضيفنا اللي زارنا عقب دار الحول
على الخير والخيرة يعزز مساعينا
وعسى ما تقدم عقب ما زارنا مقبول
ويرضى بميسور الكرامه ويرضينا
لو أن الكرم من يمنا يعتريه أخلول
لكن ضيفنا من عادته مايجازينا
كريمن سنه الله بفعل الكرم مجبول
يحفف مساوينا ويرفع حسانينا
هذا ضيفنا اللي من كريم العطا مرسول
من الخالق اللي له عباده مطعينا
إله علينا نعمته فوق كل القول
وحنا عن أنعامه من الغي ساهينا
تهاما علينا نعمته والكلام يطول
ونرجيه من كل المصايب يكافينا
تمادينا التقصير في واجبه ونجول
بدنيا الفنى مع دور الايام لاهينا
واذا ماشكرنا ربنا وضعنا مجهول
خطير الفتن من الاقطار تاتينا
لكن ياهل التوحيد دام الليالي حول
تواصوا على الطاعات بالعسر واللينا
تواصوا على التقوى تواصوا على المبذول
تواصوا على عون الفقارى المساكينا
ترى قدمنا مواقفن للعقول تهول
يشيب مشاهدها بروس الغلامينا
وتواصوا على الوحدة بهمه وفعل وقول
تحت راية اللي بالشريعة حكم فينا
زعيمن تليق ابه المدايح بفعل وقول
زعيمن حكيمن ومن سلايل سلاطينا
وليا من توحدنا عدو الوطن مخذول
وعسى الله على سبل الهداية يقدينا
نشوف الحروب الطاحنة والفتن والضول
وعدواننا تبي البلاوي تصالينا
من الحسد والبغضاء لهم مطمع مامول
لكن ربنا من كيد الأشرار حامينا
مادام ان منهجنا على المنهج المنهول
على سنة الهادي وبالشرع راضينا
يبي يرضخ الشيطان قدمنا مكبول
ذليل وجنده كلبوهم ذليلينا
وعسى الله ينصر جيشنا الباسل الناجول
على الحد دايم للعداء مستعدينا
دهاتن ميامينن ازحولن عيال زحول
حماة الوطن ومقدساته هل الدينا
وصلوا على المختار مادار حول وحول
رسول الهدى خاتم جميع النبيينا

الشاعر/ مطلق بن خالد الحويقل