فوق هام السحب ( الشعر الشعبي) على متن القوافي

تعال أبنشدك يادكتور عن مرفت
الحق وجهه جري وأنته تقول الحق

مدري دخلنا الكبر وعقولنا خفت
ولا حدانا الزمان وحظنا الامحق

البنت هذي ردايفها ليا قفت
اللي تقول انتظر واللي تقول الحق

ان كان ماعمرها دارت ولا لفت
تستاهل الفلة الدورين والملحق


سعد بن جدلان

اهديت باقة ورد من ضمن الابواق
لاقول لحد خذها ولا قول ذقها

و دي بالأنفس كلها اصحاب واصداق
ولا اخشى عقايبها ولا ارجي نفقها

خلقت الاراضي و السموات بطباق
و شع الاوادم طبقة من طبقها

فا لآدمي لولا المكارم والاخلاق
كا لحنظله من ساسها لا ورقها


سعد بن جدلان

يامرحبا يادهر قلبي ورجعانه
ابكي لقربك وبعدك مني يسنيبي

يابو عيون بخمر الحب سكرانه
ياجرح قلبي عليك ويافري جيبي

دامت حياتي وموتي عندك ارهانه
الموت اريح لي من قهري وتعذيبي

والا اركزي فوق حيد القبر ريحانه
واقضي علي ياجميله مافعلتي بي

والا اوقفي وقفة الوافي لديانه
واعاملك لين نمشط روسنا شيبي

والله مايشفي غليل القلب واحزانه
الا سجود السهو بين التلابيبي !

والا ليا راح ابوي يخلص اثمانه
والا يصك الشبيري في عراقيبي




سعد بن جدلان

‏نوعين من كثر اختلاطي مع الناس
‏من اصعب الانواع .. طبع وغريزة
‏
‏حاول تجنـب تجرح انسان حساس
‏واحذر اهانة شخص نفسه عزيزة
‏

‏كل طيّب خوته تأمين شامل
‏لـ الظروف اللي توقف في طريقك
‏
‏تصدم الأيام ماتمسك فرامل
‏لا ذكرت أنه على الشّده رفيقك
‏

‏ما الله خلقنا نرضي فلان وفلان
‏إليا رضى ربي علينا اكتفينا

‏نداري الخطر على حسب الامكان
‏اما مشت بالطيب ولا مشينا

‏

‏ما يضاهي عزّة النفس بالدنيا غناة
‏عن دروب الذل يا خطوة العز أنتحي

‏الردي لو يشري المدح ما يخفى رداه
‏ندري أن ما كل من خاف ربّه ملتحي

‏مشكلتنا كل مخطي نبرّر له خطاه
‏نستحي في وقت فيه العرب ما تستحي

يا بعيد الدار و أقرب من ضلوعي
‏أسقني حبك ومن صافي حنانك

‏لو تجي دنياي في كيفي وطوعي
‏كان ما يبعد مكاني عن مكانك

التغابي فن و إن دل دل أنك ذهيِن
عش غبي والناس تلعب على مكشوفها

النفوُس جنود من جند رب العَالمين
نفسٍ نوقف عليِها ونفس نطوفها

المصَافح بالأحاسيس ماهو باليديِن
البشر تستَخدم إحساسها بكفوُفها

أرض نفسك أولى من الناس أجمعين
إن تبعت الناس بتموت وأنت تحوفها

" العقل ، والتجربه نعمه " وسترة نجاه
والقل قل الثقه ، والضعف ضعف العزوم

أقرب من اللي ما يدرون العرب وش وراه
الآ لجات العلوم ، اللي عليها العلوم

أبعد عن الي يحاول ، يلفت الأنتباه
مثل ما تبعد عن اللي ما يسد اللزوم…