يا ذيب أنا بوصيك لا تاكل الذيب

يا ذيب أنا بوصيك لا تاكل الذيب ...
قصيده للشاعر القحطاني شالح بن هدلان
بعد وفاة أبنه ذيب بعد أن قتل وهو ذاهب لصيد
وكان ذيب مشهوور بالشجاعة
قال شالح أشعاراً كثيرة بعد وفاة ابنه ،
وأول ما قال هذة القصيدة :



يا ربعنا ياللي على الفطّر الشيب
عز الله أنه ضاع منكم وداعه

رحتوا على الطوعات مثل العياسيب
جيتوا وخليتو لقلبي بضاعه

خليتو النادر بدار الأجانيب
وضاقت بي الآفاق عقب إتساعه

تكدرن لي صافيات المشاريب
وبالعون شفت الذل عقب الشجاعه

يا ذيب أنا بوصيك لا تاكل الذيب
كم ليلتن عشـّـاك عقب المجاعه

كم ليلتن عشـّـاك حِرش العراقيب
وكم شيخ قومن كزته لك ذراعه

كفه بعدوانه شنيع المضاريب
ويسقي عدوه بالوغى سِم ساعه

ويضحك ليا صَكّت عليه المغاليب
ويلكد على جمع العدو باندفاعه

وبيته لجيرانه يشيّـد على الطيب
و للضيف يبني في طويل الرفاعه

جرحي عطيب ولا بقى لي مقاضيب
وأفخت حبل الوصل عقب إنقطاعه

كني بعد فقده بحامي اللواهيب
وكني غريب الدار مالي جماعه

من عقب ذيب الخيل عِرجن مهاليب
ياهل الرمك ما عاد فيهن طماعه

قالوا تطيب وقلت : وشلون أبا طيب
وطلبت من عند الكريم الشفاعه

صح لسانه


ورحم الله ابنه وجميع اموات المسلمين


وبارك الله فييك

صح لسآآن آلشآعر آلقحطآآني شآلح بن هدلآن على آلقصيدة

والله يرحم إبنة


أشكرك أخي آلفآضل ,,,, آلحمدآن

على آلمشآآركة آلقيمة

بآآرك الله فيك

لك تحيآآتي وتقديري


:

أميرة آلورد

أخي الغالي بكر علي
شكرا لك لمرورك وتعقيبك
وتواجدك الدائم بمتصفحي
لك مني اجمل تحية وتقدير

ألاخت الغالية أميرة الورد
شكرا لك لمرورك وتعقيبك
وتواجدك الدائم بمتصفحي
لك مني اجمل تحية وتقدير