منتديات قبائل شمران الرسمية


المنقولات الأدبية لكل ما هوا منقول من شعر وخواطر

إضافة رد

 
أدوات الموضوع إبحث في الموضوع انواع عرض الموضوع

قديم 06-19-2018, 04:56 AM   #1
مساعد للمدير العام ومستشار للمنتدى
 
الصورة الرمزية الحمدان
 

الحمدان is on a distinguished road
افتراضي ياصاحبي وش فيك قلي عسا خير

ياصاحبي وشفيك قلّي عسى خير
تشكي وانا خابرك رمز الشجاعة

ان كان حاديك الزمن والمقادير
الصبر للرجال يعطي مناعة

اسمع وخذ مني نصيحه وتذكير
ذرب الكلام اللي يفيدك سماعه

صوادف الدنيا ورود ومصادير
وافضل كنوز الوقت كنز القناعة

اللي كتبه الله على عبده يصير
صبراً جميل ودبرة الله مطاعه

مادمت من روس الرجال المشاهير
مايرتخي راسٍ شمخ بارتفاعه

بكره تبي تلقى العوض فالمخاسير
تاصل حبال الوصل عقب انقطاعه

العافية تسوى كنوز الدنانير
والرجل دايم نجدته من ذراعه

صكات بقعا لانصنّك طوابير
خلك كما ضلعٍ تقانب سباعه

شامخ شموخاً ماتهزه معاصير
لو هو محاصر بالخطر كل ساعه

صلف الهوا ماشدد طويق والنير
والحر يقدم والرعاعه رعاعه

ساير زمانك وانتبه تعكس السير
وسمح الجناب اللي يراعيك راعه

ربعك حزامك فالليال المعاسير
صدرك عليهم لايضيق اتساعه

قد قالو اللي يحكمون التعابير
ترى يد الله مع يدين الجماعة

حذراك دينك لايجي فيه تقصير
لاضاع دينك ماش غيره طماعه

ابليس لو زيّن دروب المحاذير
أبعد عن اللي مايجوز اتباعه

عقب المنيه ماتفيد المعاذير
واللي يطيع ابليس ماله شفاعه

اشر الرفيق اللي يعينك على الخير
وبيع الردي فالسوق بيع البضاعة

لازم يجي من صاحب السوء تاثير
يدوّر اللي يخشره في ضياعه

اللي يحمل المسك ماينفخ الكير
ومن جالس المقرود ياخذ طباعه

كم من كبيرٍ بالعقل عمره صغير
وكم من كبير ... بعقل سن الرضاعة

لاتستشير الا حكيم التدابير
رجلٍ تفيدك خبرته واطّلاعه

العاقل يشاور هل العرف ويشير
وكلاً على ماقيل حسب اقتناعه

الطيب يبدي فالوجيه المسافير
يبدي كما نوراً توهج شعاعه

يشفيك حراً لانهض كنه الطير
الطيب مزروعٍ بقلبه زراعه

في طلته تلقى السعد والتباشير
واليا نخيته قال سمعاً وطاعه

تلقى الكرامه عند ريف الخطاطير
وتلقى اللكاعه عند راع اللكاعه

مافالبشر مخلوق من غير تقصير
مير القيام يكون بالاستطاعه

واليا ظهر سرك لو يقال في بير
تراه مابه بير من غير قاعه

يبدي ويبدي به من الناس تزوير
حيث ان بعض الناس مثل الاذاعة

يصبح كما جمٍ ملته الغثابير
ويمسي طعام مروّجين الاشاعة

الظلم ظلمه في وجيه المعاثير
مايفلح الظالم ولو طال باعه

يلقى الجزا لو عقب طول المشاوير
سواة ماسوّاه واعظم شناعة

من دعوة المظلوم احذرك تحذير
اليا رفع لله كف الضراعة

يجيب ربه دعوته دون تاخير
وابو قناع يبين خافي قناعه

راع الحسد لو يندفع يمك مغير
عنّز على الله واتركه باندفاعه

كل الصعاب بعون ربي تياسير
من يتكل بالله ومَن كل راعه

قدمت لك عن واقع الحال تقرير
ببيوت شعراً فيه فن وبراعة

صدرتها من صافي الفكر تصدير
وحقوقنا ماهي حقوق الطباعه

وختامها مني تحية وتقدير
شاري خوي الطيب ماعاد باعه

الشاعر ... رائد العلي




التعديل الأخير تم بواسطة الحمدان ; 12-19-2018 الساعة 12:54 PM.
الحمدان متواجد حالياً   رد مع اقتباس
قديم 06-30-2018, 02:15 AM   #2
اداري سابق (وكاتبه قديره )
 

نوال الشمراني is on a distinguished road
افتراضي رد: ياصاحبي وش فيك قلي عساف خير





صباحكم جنه


صح نبضك ياشاعر الالق

وإختيار راقي
من الحمدان-

ود
@جاهله@



نوال الشمراني غير متواجد حالياً   رد مع اقتباس
قديم 07-01-2018, 12:07 PM   #3
اداري عام المنتديات
 
الصورة الرمزية أميرة الورد
 

أميرة الورد is on a distinguished road
افتراضي رد: ياصاحبي وش فيك قلي عساف خير


صح لسآن آلشاعر رائد العلي

أشكرك أخي آلقآضل ,,, آلحمدآن

على آلمشآركة آلجميبلة

الله يعطيك آلعآفية

لك أرق آلتحآيآآ



:

أميرة ألورد



أميرة الورد غير متواجد حالياً   رد مع اقتباس
قديم 08-16-2018, 05:16 AM   #4
اداري سابق
 

شبح الشمال is on a distinguished road
افتراضي رد: ياصاحبي وش فيك قلي عساف خير



صح لسان آلشاعر رائد العلي على هذه البيات الشعريه

الرائعه سلمت يداك على روعة هذه القصيده

وسلم لنا ذوقك الراقي على جمال الاختيار

لك ولحضورك الجميل كل الشكر وتقدير

اسأل الباري لك سعادة دائمة

تحياتي لك



شبح الشمال غير متواجد حالياً   رد مع اقتباس
قديم 12-10-2018, 10:23 PM   #5
المدير العام لمنتديات قبائل شمران الرسمية
 
الصورة الرمزية حسن بن عبدالله
 

حسن بن عبدالله is on a distinguished road
افتراضي رد: ياصاحبي وش فيك قلي عساف خير

اخي الحمدان
شكرا لك على هذا التواجد الفعال
والمشاركات النافعه والمفيده
بارك الله فيك وجزاك الله خير



حسن بن عبدالله متواجد حالياً   رد مع اقتباس
قديم 12-11-2018, 11:18 PM   #6
مساعد للمدير العام ومستشار للمنتدى
 
الصورة الرمزية الحمدان
 

الحمدان is on a distinguished road
افتراضي رد: ياصاحبي وش فيك قلي عساف خير

أخي الغالي أبو تركي
أشكرك لتعقيبك وتواجد
لك أجمل تحية وتقدير



الحمدان متواجد حالياً   رد مع اقتباس
قديم 12-11-2018, 11:18 PM   #7
مساعد للمدير العام ومستشار للمنتدى
 
الصورة الرمزية الحمدان
 

الحمدان is on a distinguished road
افتراضي رد: ياصاحبي وش فيك قلي عساف خير

ألاخت الغالية نوال الشمراني
أشكرك لتعقيبك وتواجد
لك أجمل تحية وتقدير



الحمدان متواجد حالياً   رد مع اقتباس
قديم 12-11-2018, 11:19 PM   #8
مساعد للمدير العام ومستشار للمنتدى
 
الصورة الرمزية الحمدان
 

الحمدان is on a distinguished road
افتراضي رد: ياصاحبي وش فيك قلي عساف خير

ألاخت الغالية أميرة الورد
أشكرك لتعقيبك وتواجد
لك أجمل تحية وتقدير



الحمدان متواجد حالياً   رد مع اقتباس
قديم 12-11-2018, 11:19 PM   #9
مساعد للمدير العام ومستشار للمنتدى
 
الصورة الرمزية الحمدان
 

الحمدان is on a distinguished road
افتراضي رد: ياصاحبي وش فيك قلي عساف خير

أخي الغالي شبح الشمال
أشكرك لتعقيبك وتواجد
لك أجمل تحية وتقدير



الحمدان متواجد حالياً   رد مع اقتباس
قديم 12-17-2018, 03:11 PM   #10
اداري عام المنتديات
 
الصورة الرمزية بكرعلي
 

بكرعلي is on a distinguished road
افتراضي رد: ياصاحبي وش فيك قلي عساف خير

يعطي العافية على الطرح



بكرعلي غير متواجد حالياً   رد مع اقتباس

إضافة رد

مواقع النشر



أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى الردود آخر مشاركة
إليك ياصاحبي الحمدان المنتدى العام 6 09-15-2020 10:09 PM
ياصاحبي وشفيك قلّي عسى خير الحمدان المنقولات الأدبية 8 04-01-2019 02:24 AM
ياصاحبي خذ من الدنيا الحمدان المنقولات الأدبية 6 09-16-2017 02:00 AM
القلب ياصاحبي قد شرع ابوابه بن عسرى القصائد الصـوتية والمرئية 3 08-27-2010 02:11 AM
غلطتي ياصاحبي اني وفيت صمت الدموع الخواطر والقصص والروايات 2 08-06-2009 12:37 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية