انت ياللي مرك الود من بين الكلام

انت ياللي مرك الود من بين الكلام
فاقدك ماضاقت الارض دامك فوقها

مرته حلو الليالي مثل سرب الحمام
وتلت جروحه من ايد الضلوع سبوقها

عن عمر ماله هدف عن سنين حين الفطام
جيت تكسر هيبة الشمس حين شروقها

ماتقص ايدين من يسلب العين المنام
دامني فاتح له عيوني عشان يبوقها

ياخذون الوصل عنك وزيف الإهتمام
وانت تاخذ خلوة النفس لحظه شوقها

دب في غصني جفافك تصر ولا إنهزام
مايغطي ربح نفسي خساير سوقها

فيك خوف من البداية ومن مسك الختام
وبينها ربكة أحبك قبل منطوقها

اتفائل في دفى صوتك أن غاب السلام
وحاربتني روح أنا عمرها وفاروقها

الجروح اللي تلاحظ على قلبي قدام
وبأكر بتشرق لي الشمس عبر فتوقها

في الصدر لك جل بدو طواريها حيام
الدهر عن ريف غيرك خطاوي نوقها

كل مأكبر كل مأبعد عن سنين الفطام
در لي ضحكة عيونك وانا باذوقها

لازم أنه يجيبك الوقت من بين الزحام
ناطر وما ضاقت الإرض دامك فوقها


صالح بن حمد