شيلة عسير الهول (مكتوبة + فيديو )🌹

شيلة عسير الهول


يا ناشدٍ عني من اي القبايل

من لابةٍ من روسهم تقدح النار

قومي بني غلبا جنوبي محايل

تغلب وتغلب كل جاير وجبار

جيراننا قيسٍ وبكر بن وايل

واسلم.فيا نعم القريبين والجار

من معد من عدنان نعم السلايل

بأم الكتب تلقى لنا ذكر واخبار

تيامنت يم الجنوب الرحايل

تحمل ربيعه يوم ضاقت به الدار

واستوطنوا دارٍ عليها المخايل

والنو غطى جوها ليل ونهار

يمضى الزمن لكنّ تبقى الدلايل

تشهد على تاريخ باقي له آثار

واستطرد الاقوال واذكر مثايل

بلاسم ما يبقى مجالٍ للنكار

هذي ربيعه من عصور الاوايل

ويا رفيده ما يهابون لخطار

واذكر بني شعبه رجال الطوايل

واذكر بني الحارث طويلين لشبار

ربعي بني مرّه كرام الفعايل

لطامت الغاوين ما يقبلوا العار

وايضا بني جَندب جلال الخصايل

والحوثري من حوثره قومِ اخيار

وحنا عسير الهول يوم الهوايل

يوم اشتهر بن آرشه من بني نزار

نعمي العدو واللي يحيك الحبايل

والكفو له حشمه وشيمه ومقدار

بالمختصر هذا وفي شي هايل

في وقته المعلوم يظهر للنظار