اشتقت لجبال الجنوب المنيفه

البارحه صدري قبل مرقدي ضاق
اشتقت لجبال الجنوب المنيفه
نزحت عنها لجل تجميع الارزاق
والا الجنوبي مايفارق مصيفه
دارن مطرها طيلة العام دفاق
والبرق دايم في السحايب رفيفه
وفيها الشجر مالت غصونه بالاوراق
والعشب فرش الارض مثل القطيفه
واويق راس الضلع لو تتعب الساق
يازين هبات النسيم الخفيفه
واشرف من القمه وشوف الحيا لاق
ورش المطر والمزن يرعد قنيفه
وتنحى بي الذكرى على مجرى الاشواق
واسج بالماضي وحالي كسيفه
على رسوم الحب واطلال عشاق
صارت عيوني بالمدامع ذريفه
اذكر هوى خلن سكن وسط الاعماق
الحب قسمه والنوايا عفيفه
من يوم فارقته ودمعي بالاحداق
وغديت لجيوش الغباين عسيفه
مات الامل والتفت الساق بالساق
وصارت عيون الصبر عقبه كفيفه
وش حيلتي لاصرت للوصل مشتاق
شوق البدو لملاعبات السفيفه
والله مقدر حبنا ضيم وفراق
هذا الذي مكتوب وسط الصحيفه
قلبي تعلق في غرامه بمعلاق
ياليت قلبي كان يقدر يعيفه
ومن وين مالدت عيوني فالافاق
اشوف زوله قدم عيني وطيفه
يوسف الشمراني