اسفه سامحوني بما انه اول موضوع لي راح يكون سرد لمشكله

السلام عليكم ورحمة الله

اسفه سامحوني بما انه اول موضوع لي راح يكون سرد لمشكله

حتى مو عارفه منتداكم كيف طلع لي فا قلت اسجل ممكن احصل لي حل

انا مشكلتي في زوج امي وامي !

انا كنت عايشه مع جدتي ام ابويا وانا عمري تلات سنين تمام توفت الله يرحمها قبل تلات شهور

انا امي كنت اشوفها في الشهر مره واحيانا ماتجي بتكون مسافره بحسب شغل زوجها

جدتي هيا امي واختي ووو الله يرحمها

علاقتي مع ابويا مو قد كدا بالرغم انه عايش في نفس البيت الا اني مااحس انه ابويا ومرت ابويا مو

مقصره هيا الي باعدته حتى اخواني واخواتي من ابويا مااعرف كيف في حاجز كبير بينا انا

طول الوقت ملاصقه لجدتي الله يرحمها ابدا مافي اي احتكاك مع اخواتي وابويا وبرضوا مو مريح مرت

ابويا كل يوم مسويا مشكله الله يسامحها مااعرف ايش سبب الكره دا كله !! بالرغم اني في حالي

بعد وفاة جدتي بدات مرت ابويا تزن على ابويا انه يخلي امي تجي تاخدني جالسه فوق راسها شكلي وانا مادري !

المهم ابويا ماهمه فعلا كلم امي وامي طبعا ماصدقت جات في ليلتها

وانا ولا احد سالني ولا اخد رائي لانه بسراحه ماابغى اروح لمكان ابغى اجلس في مكاني

حتى امي لما جات انا كنت زي الصنم ولا كلمه مو مستوعبه رحت وكانت المشكله

وعرفتني على زوجها وبسراحه انسان طيب جدا فيه طيبه وحنيه انا ماشفتها في ابويا واحسه فرحان

ومبسوط الوضع بسراحه ارعبني !

طبعا اول ليله انا طول الوقت ساكته رجل اول مره اشوفه حتى امي علاقتي بيها رسميه انا مالؤمها

السبب في ابويا هو الي باعدنا وبيت غريب !

انا حاليا لي شهرين او تلات وانا عندهم ماني قادره اتأقلم مع الوضع ابدا نفسيا تعبت بالمره احس اني
انطوائيه بزياده

هما مافيهم شي بالعكس حاسه اني نازله عليهم من السماء مااعرف ايش الاهتمام دا كله !!!

كيف اقرب العلاقه مع امي هيا تحاول بس انا ابعد احيانا اعصب احسها بتدخل في اشياء خصوصيه

انا مو عارفه يمكن لانه مو متوعده احد يسال ويجري وراء كل صغيره وكبيره كدا يعني الوضع عادي


مااعرف ادا فاهمين مني شي مااعرف اوصل الي بقوله !