فوق هام السحب ( الشعر الشعبي) على متن القوافي

‏أفتح جهازي وأدور داخل الوارد
‏ رسايل منك بالأشـواق مرسـولـه

‏أقرا بيوت الغلا والفكر بك شارد
‏ وأهز راسي قهر وأقـول معقـوله

لانويت الشعر جبت المستحيل
وَحْبُكه حَبْك الكواكب فالفلك

ولا ركبت الخيل جودت الاصيل
شاعرة وجيتك على هيبة ملك

‏ما تربينـا على كـسر الخواطر
لـو خواطرنا من العالم تكسّر

امزحوآ في كل شي إلا المشاعر
جبرها يبطي ويمكن ما تجبّر

بعض البشر مثل الذهب في نوعه
وطابعه دون. الخلايق راقي

يشفي مواجع داخلك. مـــوجوعه
محال مثله شخص عاد تلاقي

ترتاح من حكيه ومن مـوضـــوعه
ويجبرك له دايمً* تشتاقي

تحصله. في فـكرته. مـــوســــوعه
تسير به بين البشر عملاقي

لك هاج فكري وارتقا. مـشــروعه
باالله مثلك وين وين نلاقي

ليت مافـــي بالعمر تلويحة كفوف
لا فـــــــراق ولا وداع ولا سفــــــــر

وليت مايعوق الوصــــل اية ظروف
لا مسافــــه ولا اختلاف ولا عــــذر

مثل القمر يالنادره في جمالك
ماشفت مثلك بالخلايق وصيفه

على البحر ليتك بجنبي لحالك
والموج هادي والمشاعر رهيفه

بالعين بوح وداخل الصدر ونات
ولا فيه احد يفهمك ياقلب شاعر

صحيح اني اكتم الجرح بسكات
ومقدر على كتم الشِعر والمشاعر

أعامل الناس بأسلوبي وباخلاقي
والناس بأسلوبها نعرف معادنها

وسلم على المحترم بأسلوبه الراقي
وجنب عن اللي علومه ما يثمنها

أبتسم مع بسمته من دون مدري
من حلاهــ كن ورد الكون فيه

كل ما يضحـك يفـز اللي بصـدري
ودي أحضن بسمتــه واقرأ عليها

بيني وبينك فارق السن موجود
هذا الذي مالي عليه استطاعة

يا ليت عمري مثل عمرك بلا زود
السن واحد وأصلنا من جماعة

أو إني أشري فارق السن بنقود
من شخص مافاده شبابة وباعه

وليا طمعتي في هوى الشايب العود
وياطالما صار الهوى كالبضاعه

مادام محسودة وأنا شخص محسود
كلمة وأنا أشري لك من الماس ساعة

تمتعي بالعز مافيه منقود
بس أطلبي وأقول سمع وطاعة

وأعطيك حب فائضه غير محدود
ترسي على جسر المحاني قلاعه


علي القحطاني