لا والله الا وصلوها مواصيل/ للشاعر القدير جندب المالكي 🌹

لا والله الا وصلوها مواصيل/ للشاعر القدير جندب المالكي






لا والله الا وصلوها مواصيل

ناساً يحطون القصيرة طويلة

ناساَ بلانا الله بهم يامشاكيل

وصرنا معاهم بين حطه وشيله

ناساَ ضمايرهم علينا مغاليل

وقلوبهم فيها الدسايس نزيلة

جينا لهم بمحكمات المعاديل

في مجلس اهل العلم واهل الفضيلة

لكن ما جا من قصار المنا ويل

الا علوماً ما وراها حصيلة

ولولا معزة متعبين المعاميل

قمنا بيوماً ما يومن دخيله

غير ان ما قدامنا الاهواميل

سود الوجيه امقلدين الحليلة

مجلاسهم ما قلطو فيه حلحيل

ومن جاه مرة بعدها ما يجيله

مافيهم الا السب والقال والقيل

وعند االلقا يطفون نا ر الفتيلة

هذا وانا يا الفاهمين العواقيل

ما اقول قول الا وعندي دليله

واقول من لا يعرف الوزن والكيل

صارت عليه الهينة مستحيلة

والي بعمره ما شكا الهم والويل

وغدر الليالي معترض في سبيله

رايح تصيبه نكبةً يارجاجيل

لو جابه النكبة بمليون حيلة

والي جنح عن منهج اهل التنافيل

حرام والله ينتسب للقبيلة

والمنزل الي ما حوى البن والهيل

لعل صلفات الحوادث تشيله

والفرق بين الجيل الاول وها لجيل

واضح وجيل اهل الوفا ننتمي له

بارك الله فيك على طرح هذه القصيدة الرائع
صح لسان شاعرنا جندب المالكي

جعل ما تقدميه من موضوعات
في ميزان حسناتك
دمت بخير ..

شكرا على اطلالتك الجميلة اخي الغالي
ودي وتقديري لك

شكرا لك على طرح القصيدة المميزة
رائع ماتقدموه من ابداع جميل
ننتظر المزيد منكم
لكم مودتي

صح لسان الشاعر

روعه موضوع مميز

عاشت الايادي دوم التالق

تحياتي

شكرا على اطلالتكم الرائعه
ودي وتقديري للجميع

قصيدة مميزة صح لسان شاعرنا
سلمت يمناك ولا عدمناك..
بإنتظارجديدك بكل شوق
دمت برضى الله وفضل

صح لسان الشاعر
جَزْاك الله خَير الجًزاء
كُل الشُكْر لك على القصيدة
ولطَرْحِك القَيْم ..
احترامي وَتقْديرْي

مشاركة مميزة
واطلاله رائعة
تسلم الايادي ولاحرمنا من هذا التواجد الفعال
ودي لك وتقديري

جزاك الله خيرا على المشاركة
ولا عدمنا حضوركم المميز
تحياتي لك