حكّم ضميرك

حكّم ضميرك











على سبيل الأمنية والتّمنّي ..
اقرا قصيدٍ كاتبه لك عشيرك!
فيك اتّقدّم هقوتي حسن ظنّي..
لنّك وفي ودموع قلبي تثيرك!
اذا نويت تصدّ وتْغيب عنّي..
من غير لادري وين وجهة مسيرك!
روّح بعيد بْدون "آسف.. لأنّي"..
صوّبت صدري كثّر الله خيرك!
معك أمانة قبل لا يمتحنّي..
شوق الليالي قوم حرّر أسيرك!
العام الأول ماخذ القلب منّي ..
والحين كلّه جرح .. الله يجيرك!
بالله فكّر زين قبل التّجنّي..
هذا مصيري .. زيّ ماهو مصيرك!
ما للعذر داعي بدرب التّأني..
حكّم ضميرك..عاد وأنت وضميرك!




منقووول