فوق هام السحب ( الشعر الشعبي) على متن القوافي

‏وينك تعال اليوم ودي. آحاكيك
ودي اقول اللي بصدري..... خفيته

انت الوحيد اللي خفوقي يناديك
وانت الوحيد اللي بعمري.. بغيته

من رافق الخايب سكن دوم واياه
لبس الدناسه عقب لبس الجدادي

ومن طاوع الشيطان في دينه اغواه
يصبح غريقن بين الامواج غادي

ومن عاشر الطيب ترى الطيب شرواه
وبالطيب يرقى نايفات المباديء

خلك مع الطيب وممشاك ممشاه
ورافق من الربع القروم العوادي

عز الفتى دينه وسلمه ومرباه
وربعه عضوده عند قدح الزنادي

تاقف معه وبقدر الامكان تحماه
لا صار باطراف الحبال انعقادي

والله لو نتبع من الناس زلات
لغير نبقى بالمجالس وحدنا

لكن نصد.. ونحتفظ بالعلاقات
ونبقى على الخوه ونوفي وعدنا

والله لو نتبع من الناس زلات
لغير نبقى بالمجالس وحدنا

لكن نصد.. ونحتفظ بالعلاقات
ونبقى على الخوه ونوفي وعدنا

محتاج لي شخص يسمعني ويفهمني
ودي افضفض عن اللي بالحشا خافي

تعبت اخفي الهموم اللي تزاحمني
وعجزت لاقول لـهموم الزمن كافي

يالله ياعزيزاً ف سماك العاليه
رجاك ولارجا عبادك البخالي

ليا ضاقت علي دنياك دانيه
رب البشر منت بتتركني خالي

صبرنا على حمل النوايب لو انها ثقال
عليها انتداحم لا اختلفنا ولا خفنا

خذينا من الدنيا طناخة وطولة بال
ولا غيرت صكات الايام موقفنا

خطاك عندي قابرك وانت مامت
تثبت لك الايام ليه اتكلم

مهو دليل الود شفتك وسلمت
الي يمر القبر سنه يسلم

يارب جملني مع كل محتاج
ولا تدع لي عند الانذال حاجه

نفسي عزيزه والكرامه كما التاج
والقلب حاكم جيد والعز تاجه

الذيب ذيب يستاهل كل مايريد
والرجل رجل ما يحصل منه تقصير

الفعل باين فى النشاما الصناديد
اللى تجيب الحق بالسيف وتسير