اذا شمران نادتني

اذا شمران نادتني

ثمان سنين متغرب وهاجوسي يهد الحيل
ادور كل مركب عز بين الناس وارقاها
بنيت النفس بالعزه وطعنات الزمن والويل
ولا ارضى لاية شخص بين الناس يبلاها
ركبنا في بدايتنا على سرج الحيا والخيل
ولاتهنا مع التايه بدرب دوم يهواها
كرامة نفس شلناها على كتف الصدر بالحيل
توشحنا ثياب العز بين رجال زرناها
تعلمناوعلمنا وصوف الكون والتشكيل
وحددنا ولونا دروب الارض وسماها
انا ياما طلبت الرب يعطي مهرة وتشيل
هموم عشتها بأوقات شفت الحظ عاداها
ولااعشق سوى عذرى تهاب اللعب والتمثيل
ولاتعشق سوى فارس يسوق المهر لرضاها
تبيع الناس لرضاته وتسمع همسته وتميل
وتتغشا بلون الليل دام الليل غشاها
تداري شاعر حساس حرفه يجرفه كالسيل
ولو يجرح تشيل الجرح منه الجرح يهناها
انا ياحظ من صغري غريب وانكسر للهيل
اشب دلال بالقهوه كريم الساس سواها
ولااجرح سوى جارح يمارس كامل التذليل
يعذب خافقي بجروح كل الناس تقراها
وازيح الهم عن خلي ولو همه بوزن الفيل
ولوينوي ينام الليل فوق الساق يفداها
أحب الضيف لاجاني اشيله وسط عيني شيل
انوخ له رقاب النوق لو هي وسط مرعاها
واذا شمران نادتني من اسفوح القمم بالليل
البي واتجه للدار دار العز وانصاها
انا كلي مشيت دروب عطشا تلتجي لسهيل
يوريها دروب الخير وين يكون منحاها
فديت امي لها قلب يشابه رعشة الترتيل
يخليني كما طفل يحب حروف يقراها
واذا كان الزمن ظالم وغير وجهتي بالميل
اشق قبور وسط الارض وارمي النفس وانساها

قصيدة
ابراهيم الشمراني
ناظم الهمسات