الضمير الحي

بسم الله الرحمن الرحيم

‏(‏ الضمير الحي )


السحاب الي ذخرته من سنين
حــن رعـاده وبـراقـه بــرق


يالضمير الحي بين الميتين
ويالمصير الي تجمع وافترق


في سنا نورك ونيران الحنين
إحترق قلبي وحبري والورق


واليدين الي تعانقها اليدين
كل ما بيدينها قلب إحترق


شفت بعيونك مظاليم وأنين
وأشعلت فيني مواعيد الأرق


شفت فيها كلمتين ودمعتين
وشفت فيها ألف معنى للغرق


شفت فيها موعدين ودبلتين
وشفت فيها عمر كامل ينسرق


لا يعيش الحزن في الطرف الحسين
ولا يضيع العمر من كل الطرق


والضما لا تقطعه من قطرتين
دامك أعذب من سما حلمي وأرق


ودام تدري إن الحقيقة وجنتين
مـسـتـحـيـل إنه يـغـطـيـهـا ورق !



عبدالله علي الشمراني