| السفر والسياحة والرحلات البرية تعرّف معنا وعرّفنا على المدن والدول السياحيه ,واطرح لنا رحلاتك والصيد بانواعه |
 |
|
|
أدوات الموضوع | إبحث في الموضوع | انواع عرض الموضوع |
10-31-2010, 06:00 AM
|
#1 |
 |
أنا على المقناص
 أنا على المقناص قلبي يرفي = فترة ونرجع يم أهلنا مناكيف بديار لفروق الحبارى تلفي = جنوب من حزم الجلاميد وطريف  الطير هو غاية مرامي وشفي = أقدرة تقدير الأجواد للضيف من كبر قدره شايله فوق كفي = وأرعاه تسع شهور بالقيض والصيف وأداهله لا شفت ريشه مصفي = على الدعو واخفف النسر تخفيف نقله يشرفني وشوفه يكفي = عن شوف ناسٍ ما تعرف المعاريف لا شفت لي نو بروقه ترفي = نويت أجهز موتري للتكاليف القيض كله جالسٍ ومتعفي = وبرد المكيف نشف الدم تنشيف متى سموم القيض عنا تقفي = وسهيل قبلي يعمد الفجر قد شيف والنار يصلح شبها للتدفي = والبرد نوجس من نسيمه هفاهيف قمنا لعزبتنا نشيل ونضفي = ونكمل الناقص ونملا المطاريف اللي نشيل من اللوازم مكفي = مكتفين العفش بالحبل تكتيف يمكن الى جينا البقالة نوفي = حاجات نشريها كمالت مصاريف والصبح من حزم ابرقيه مقفي = صوب المعضم والهضاب المقاييف بديار جعل أشجارها ما تجفي = تعلها غر المزون المراديف في رفقة اللى نارها ما تطفي = على الشرف والجود ربعٍ مواليف  مجلاس طلقين الشوارب بصفي = على الدلال اللي بهن ساخن الكيف خويهم ما أوجس كلامٍ يحفي = غير المزوح الطيبه والسواليف عقال وزن عقولهم ما يخفي = ولاهم على الفاضي خفاف وملاقيف http://www.anashed.net/audio/al_meqnas/al_7awayem.ram  دار الشمال وسرني يوم داره === بعد البطا وانا اتحرا لها دوم عقب الرطوبه والندا والحراره === هب البراد وبشر الوسم بغيوم في موسم نرجي بشاير اخباره === نفرح ليا جتنا مكاتيب وعلوم |
|
|
|
10-31-2010, 06:01 AM
|
#2 |
|
|
رد: أنا على المقناص
بسم الله الرحمن الرحيم السلام عليكم ورحمة الله وبركاته في بداية مواسم الشتاء وهطول الأمطار تكثر رحلات البر وخروج عشـآق المقناص للبر للتمتع بـ أجواء الشتاء وممارسة هوايتهم من الصيد والقنص وهي من وسائل الترفيه عن النفس من همومهم ومشاكلهم ومن ضوضاء المدينه.. لكن لـكل شيء إحترمه وعليكم الإقتداء في مبادئ القنص حتى ننعم به ونستمتع بلا خسائر تذكر ...  يا مرحبا بسهيل جتنا لياليه === عسى علينا كل عام يعود وقت نحبه والصقاقير ترجيه === ونعد له في كل يوم اعدودي نبدأ في فوائد المقناص.. اولها تروح عن نفسك وتبعدها عن كل اللي يعكر مزاجك تكشف من خلال رحلاتكم أخلاق اللي معاك واطبعائهم وتتعرفون بعد على اماكن جديده على كل رحلة تتطلعون فيها هذا غير أنكم إذا صرتوا أخوان تتطلعون مع بعضكم تتألفون على بعض أكثر وهذا اهم شيء وتكتسبون خبارات جديدة من بعضكم >>عاد هنا كل واحد بيقول الزود عندي  <<شدوا همتكم لكن الله الله بالأخلاق وإذا صار عندكم عيال خذوهم معاكم وخلوهم يشفون شغل الرجاجيل في القنص على اساس تقوى شخصايتهم ويعرفون كيف يتخذون قرارتهم وبعد غير ماشاء الله بعض الرجال يصير عنده القرايحه الشعريه عال العال عنده ويبدأ يتحفكم فيها هنا لا أوصكم أمدحوا قد ماتقدرون له وصح لسانك وصح بدنك والله الله ..  بس لا صاروا شياب عاد هنا مانقدر نقول شيء لـ أنها بالغالب راح تكون نصائح وتهذيب قصيده.. والشباب ماعليكم قصور بس جالسوا الشيوخ الكبار والله ياحكم عندهم ماتقلونها في مكان ثاني ودرايتهم الكافيه في قبائل العرب .. هذا كان فوائدها .. ***** نجي عند أدابها .. أهم شيء يصيرون راعين خير ويحفظون على صلاوتهم ويدامون عليها في وقتها قبل كل شيء [إن الصلاة كانت على المؤمنين كتابا موقوتا ] *كيف تعرفون اوقات الصلاة * وقت صلاة الفجر : يبداء من طلوع الفجر الصادق وهو اول ظهور لضوء الشمس السابق لها. ثم ينشر حتى يعم الأفق جميعه ويصعد الى السماء منشراً. وفيه يظهر الخيط الأبيض من الخيط الأسود ويكون اعلى قرص الشمس تحت خط الأفق بـ 18 درجه تقريباً. وقت صلاة الظهر : يبدأ عندما تكون الشمس عمودية على الأرض، ولا يكون لأي جسم منتصب أي ظل لا شرقه ولا غربه. وقت صلاة العصر: يبدأ عندما يكون ظل كل شئ مثله ( أي جسم قائم على الأرض ومتعامداً عليها يكون ظله بطول يساوي طوله). وقت صلاة المغرب : يبدأ بعد مغيب جميع قرص الشمس تحت الأفق. وقت صلاة العشاء : يبدأ بعد مغيب الشفق الأحمر واختفاء كل اشعاعات الشمس في السماء. والوضوء إذا صار فيه برد حييل وخفت على نفسك من البرد ولا فيه ماء ساخنه تيمم ولا تسهرون لأخر الليل وتنسون صلاة الفجر .. والقبلة اهم شيء تحدد بنجوم والبوصلة .. وأذكركم ماتنسونها يجعل ربي يحفظك من كل شر والقرأن ماتخلونه ولا يلهيكم عنه شيء ولا اوصيكم الأقتصاد بـ الماء بـلاش من التبذير ..حتى لو كان فيه كمية كبيرة وهاذي النقطة للأسف كثير اللي يغفلون عنها وهذا نشوفه كثير لما تبي تجلس في مكان بعض الأحيان يصير فيه البقايا منهم مايهم ويرحون ويخلونها وهذا أكبر خطأ..يعني يالله من فضلك وإنت جالس في مكان تحفظ عليه وعلى نظافته >>وهذا عموم اللي يكشف حبك للترتيب او شغالكم ماشي حالك اهم شيء جالسين ومبسوطين ..ماحد قال لا تنبسطون بس حافظوا على نظافة المكان وإنتم موجودين فيها وقبل ما تتركونه ..{والنظافة من الإيمان}.. طبعاً كيد راح يكون في رحلتكم برامج ومسابقات بس اهم شيء تكون متنوعه وفيه حماس على اساس مايملون <<<طرالها كشتات اللي في المجد  ..والأحترام والتقدير بينكم اهم شيء ولا يصير بينكم مزح ثقيل ودفش امزحوا على بعض بس كل واحد وعلى حسب قدرته بعضهم يزعلون >>حلوها إذا زعلوا والله فيه بعضهم من شدة زعلهم تقولهم يادهينه لا تنكتين>>ترا مو إي احد عاد اللي يعزون عليك ..وإذا جينا للحق رضاء الناس غاية لا تدرك..بس سوىاللي عليك وكل وواحد امزح على حسب قدر استحماله للمزح.. وهذا لصحتكم خلوا شعاركم إذا كان من بينكم مدخن او شيء{رحلة بلا تدخين } وكل واحد فيكم يذكر الثاني بلاش من الدخان وتتشجعون ويوم عن يوم راح يكون شيء طبيعي هاذا إذا ماكرهتوه ..بس اهم شيء تقنعون في الشيء هذا ولا تنسون اضراره عليكم اولاً واخيراً .. |
|
|
|
|
10-31-2010, 06:02 AM
|
#3 |
|
|
رد: أنا على المقناص
بعدها نجي قواعد السلامه.. طبعاً اول شيء الخيام لآزم الي ينصبها يكون عارف كيف يثبتها زين علشان سلامتكم لإن تخيلوا لو واحد مايعرف يثبتها زين وجاء هواء وريح ومطر قوى وش راح يصير لكم <<بسم الله عليكم ..   وقبل ما تنصبون الخيمة {ماتجون تنصبونها عـ طول اسرع يعني} شوفوا الأرض مستويه ولا لا وإذأ هي فيها شيء ولا شيء الله يستر فــ أنتبهوا .. وأهم حاجه في بعد الخيمة أنكم تخلونها في مكان بعيد عن الأشياء اللي يخليها بسرعة تحترق ,, وتكون تواجه مصدر الرياح .. ايه ومولد الكهرب {الماطور} يصير بعيد بعد عن الخيام ويصير بعد 220فولت .. بس مو لا صار فيه مطر رحتوا تخيمون عند الوديان لا خليكم من بعيد لبيعد ويادرا مادخلك شر لا تبزعون باعمركم ...ترا فيه اهل يصيرون ينتظرون رجعتكم في السلامه ربي يخليكم لعين ترجيكم .. استنسوا وانبسطوا وفلوها بس في حدود المعقول لا تتهورون يعني مايروح واحد فيكم يقول بدخل في الوادي ثم عاد الله يستر يمسك الوحل وبعدين وش يفيدك تهورك ..صح كل شيء مقدر ومكتوب ..بس ربي يقول بعد ,,{لا تؤدى فيس انفسكم لتهلكه}في المعنى.. ولا تمشون في سيارتكم عليه لا تقول سيارتي تتحمل دبل ودبل مافيه دبلات على اللي مايعرف الماء اللي راح يمشي عليه ..الوحل وحل إذا مسك فيك مايخليك الإ رحمةٍ من ربي.. فـ أنتبهوا الله يرضا عليكم .. يا زين هد الطير في وسط غابه === اما طلوع الشمس والا الطفيليل ان شاف له جول تدراج عثابه === جايع وشفقان على شوفهن حيل اوقات اللي تكثر فيها القنص.. الصقور.. موسم الصيد في منطقة الجزيرة العربية والخليج العربي الاشهر الخمسة لإبتداء من شهر تشرين الآول (أكتوبر) وإنتهاء بشهر شباط (فبراير) من كل سنة الصيد باستخدام الصقور هي تقربياً محدودة ويعتمدون على ظروف منها توفر طيور الحباري والكراوين والآرنب البري وعلى مدى تقبل الصقور للقنص والمهتمون برياضة الصيد بالصقور بالنظر حولهم لمعرفة أخبار الصقور البالغة القرانيص يبدون في الاستفسار عن اخبار ورود أول طيور الحبارى اللي توصل للمناطق مهاجرة من المناطق الشمالية ويبدأكل منهم تهيئة نفسه وصقوره استعدادا لبدء موسم الصيد من تهيئة للعدة اللازمة للصقور من براقع وكفوف (الدسوس) وأوكار وسبوق ومراسل واهم شيء يفحص حالتها الصحية وتأكد من سلامتها من الامراض اللتي تصيبها في الحجر المقيض . . الصقر القرناص مايحتاج وقت طويل للتدريب وخصوصا اذا كان قد صاد في العام اللي طاف الصيد موسم عند الصقارين اللي يحبون هـ الموسم يسون إي شيء بس يرحون للصيد لدرجة توصل بعض الأحيان لتقصيره مع اهل بيته ..واهم شيءفي الصقر تسمى المطاليع (المطلاع) عن الصقور.. و بعد ان ينقض الصقر على فريسته لآزم يتدخل القناص ويشارك صقره بالصوت وينهمه و يتقرب منه ولا يفزعه وبكذا يقدر يعزل الصقر عن فريستة او يترك للصقر ذبح الصيد ويعطيه جزء منها كمكافئه لـ صيدها...   إما عن البورايد وبنادق الصيد.. أهم الرخص ياجماعة لا تتوهقون... عند اطلاق الرصاص ... أنتبهوا تتطلقون الرصاص من غير ماتسمون..سواء كان في الهواء وطائر او حيوان.. وبعد لاتصيدون في الليل.. تدرب قبل ماتمسك إي بندقه على كيفية الطلق وأنك كيف تتقن التصويب.. والطلقة على الصيد تصير على رأس الطير مو على صدره.. واهم شيء إذا خلصتوا صيد ماتخلونها محشوة برصاص.. كيف تطلق بدقه أكثر : اول شغله لآزم تعرف بند قيتك (الشوزن).. كيف تطلق منها وكيف تحافظ عليها .. وثاني شيء .. إذا جيت تطلق يـ تحبس أنفاسك ياإما تأخذ نفس عميق او تأخذ نصه والنص الثاني برا<<كذا راح يصير عندك توازن ويقلل اهتزاز الشوزان منك.. أضغط على الزناد على طول..بش لا تشد.. اول شيء راح تنتفض منها بسهذا اول الخير أنك بتصير دقتك في الرمي اعلى لكن اهم شيء تقنعى نفسك إنت بهذا وبتصير أحس قناص في الشرق الأوسط << والأهم تطلق وإنت مرتاح.. بس عاد اهتم في نظافة (الشوزن) وخلوها دائما في مكان آمن وبلاش من اللعب فيها يقالكم تمزحون بعدين الله يستر يصير شيء لا يحمد عقبها.. وبعد بلاش من التلقيه على بعض أنا احس منك وأنا احسن منك [ترا مافيه احد احسن من احد  ]..<<كابتشينو مضطره الكل راح يصير ماهر مع الممارسه والتدريب.. |
|
|
|
|
10-31-2010, 06:03 AM
|
#4 |
|
|
رد: أنا على المقناص
 يا زين جمعتنا على شبة النار === نارٍ سناها لدلال المباهير امكرمات وسطهن بن وبهار === وسوالفٍ تطرب سموع المناعير ناخذ لنا فالوقت سجة ومشوار === بين الفياض اللي زهتها النواوير أرضٍ خلا ما داجها كل دوار === غير الحباري واشقح الريم ماذير تلقى جرايرهن مع الروض عبار === زرق الغلب برق الظهور المخامير هي منوة الي بالصقارة لهم كار === تشفق ضمايرهم على تلة السير لا حولوا في فيضة كنها الطار === وتكافخن بيض الدواغر مياسير ردوا على كن وجه ليا دار === وجه الغضيب اللي على علم وصغير ليا انطلق ما كنه الى يبي ثار === يسوق في سوق الخصيم التباشير أفحج سراويله على الكف نشار === عينه كما وصف الشمالي سناكير يهوي عليهن مثل قصاف الاعمار === دابان ما عنده مراود وتأخير إلى انطلق ما كنه ألا يبي ثار === يسوق في شوف الخصيم التباشير شقر الحرار اللي لها أفعال واذكار === من ساس فارس وافياتٍ مغاتير #!  واهم شيء في البر التغريز  |
|
|
|
|
10-31-2010, 09:34 AM
|
#5 |
|
إداري سابق
|
رد: أنا على المقناص
سلسلـــة رآئـــعه وجميــلة عن عآلم المقنآص
سلمت يدآكِ عبيــــر .. واهنيـك لــك جـنـاح تطـيـر= لى طرى لك نزعت وطرت يم الهوا بين قلبي وبينك فـرق والله كبيـر= لى كفخت انطلقت ولى كفخت التوى انت حايم وانا بالقاع دوبـي اسيـر= في صحاري زماني ذيب ليلي عوى فوق جوك سحاب وحدر جوي هجير= القدم فوق رمضا والخفوق التـوى الحذر يا صقر لا يشبكونـك اسيـر= ويل صقرٍ يتله مربطـه لـى نـوى برقعته اللّيالي فـوق وكـرٍ قصيـر= عقب صفقه جناحه بالهوا لى اهتوى كل حرٍ الى ضاق انتهـض للمطيـر= حومته بالسمـا ساعـة لقلبـه دوا واعذاب الجناح اللّي يجـره كسيـر= كّلما فزّ مكسور النواهـض هـوى تبريــــ د |
|
|
|
|
11-01-2010, 12:17 AM
|
#7 |
|
اداري عام المنتديات
|
رد: أنا على المقناص
سلمت يداكِ غلاتي
ع الموضوع الرائع كـ روعتكِ أشكركِ ,, لكِ آكاليل من ورد الجوري  أميرة الورد |
|
|
|
|
11-02-2010, 09:51 PM
|
#9 |
|
عضو شرف قدير
|
رد: أنا على المقناص
ماشاء الله موضوع في غاية الروعه وكان توقيت إدراجه مناسب جدا شكرا لك عبير يعطيك العافية .... تقبلي مروري
|
|
|
|
|
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| المقناص | سعد الحنتمي | ديوان الشاعر سعد عبدالله بن حنتم الشمراني | 2 | 05-20-2011 04:14 AM |
| هذا المقناص اذا قالوا مقناص..مقناص غير (الأرنب والظبي وطبخات على ماتـبي) على كيف كيفكـ | وليد | السفر والسياحة والرحلات البرية | 9 | 06-26-2009 03:09 AM |
العرض العادي
