الهند من تصويري لاتفوتكم

السلام عليكم ورحمة الله وبركاته

هذي صور صورتها خلال سفرتنا للهند وكانت رحله ممتعه جداً..

نبدأ بأسم الله

هذي منطقة مونااار بالهند بس هالصوره نزلتها لان الباقي صور شخصيه :38:



انتقلنا لمنطقة الشلالات (اثربيللي) وهذي صور منها
ضيفونا بهالعصير شي خيالي تشرب عصير وقدامك هالمنظر واااااااااو



هذا المنظر اخذته من بلكونه الفندق..





هذا فطورنا طبعاً العزبه معنا :9:


تصوير من داخل الغرفه





حاولت اطب هنا بس اهلي مسكوني احس اني انهبلت يوم شفت المنظر >>> الله لايلومها ماعندنا الا صحراء وبر والا جبل لون اشجاره صفراء وميته هع

يازين الرذاذ وهو يتطاير ويبلل الملابس شي خطنطر..



هذا الا امد يدي واسلم عليه بس شوفوا شكله يجنن مو زي قرودنا ماتت جوع وشكلها يحزن ..

هذا ماكرهت فيه الا سرقاته كل ماحطيت شي عالطاوله سبقني واكله ..


ولا يحلو هالمنظر الا بدلة القهوه >> ادماااااااان



ودعنا الشلالاات ورحنا لمنطقه يسمونها تكدي جوها خوقاق بس ندمت مااخذت جاكيت هع

رحبوا فينا بهالشاهي عشان البرد بس عليهم شاي يعدل المزاج وازعجتهم من كثر مااطلب ..



رحنا منتجعنا وعلى طول نركب القهوه الجو مايتفوت يبي له دلة قهوه


وشارفت على الانتهاء هع



بعد ماشربنا القهوه وعينا خيرر قالوا يالله مشينا نروح نركب طراد ورحنا هوووووون والجو كان ضبااب بس خيال



وبدا المطر يتساقط وهـ بس وهـ



خلصنا بعد مادوخنا الهندي وهو يفحط فينا بالبحر وكل مااحد فينا صرخ زاد السرعه وانا كذا :bawl:

رحنا مزارع الشاي ..




جلسنا هون نتفرج على بقرهم وش زينهم



هذي فلتنا ...



بيت الشجره طلعنا فوق شي بصراحه يقول لنا الهندي 30 نفر يطلع مايطيح الله يقهرهم كيف سووه حنا بيوت بمنفوحه اذا جاء المطر هدمها خخخخخخخ وهذولا يجيهم امطار بحياتي ماشفت زيها يخزي العين بس ..


ركبنا الفيله يمااااااااااااه تخوووف اجي اركب واهون وبالاخير قلت اركبي ياقدعه ومن سوء حظي طلعت واحد كل شوي يوقف فيني مايبي يمشي الا اذا اكل قلت تشهدي يابنت بيرميك ويرفسك برجله وجلست على اعصابي لدرجة ان الهندي يكلمه واتكلم وراه هههههههه مدري وش السالفه هع

فيه صور للفيل يلقي تحيه وصور يسوي فيها حركات ويبوس بس صور شخصيه مااقدر انزلها..

وبعدها اتجهنا لمنطقه يقال لها كوماركوم .

وهذا ترحيبهم لنا



وهذا منتجعنا من اروع المنتجعات اللي شافتها عيني نظافه وترتيب وذوق في التعامل ..




وركبنا البوت وصارت علوم :ha:



لحد هنا وحنا متشققين خخخخخخخخخ اخذنا جوله بالبوت 6 ساعات مع الغداء




هنا بدأ الجو يقلب وبدت دقات القلب تتسارع خاصه فيني



ويوم شفت هالمنظر بديت اصيح رجعوني ماابي اموت بالبحر >> موقف يحزن :cry:



والهندي يضحك ويقول نو بروبلم >> في نفسي اقول الله يبرم راسك انا مسلمه مصليه صايمه وخفت وانت هندوسي وتقول نو بروبلم هع

واليوم التالي توجهنا لمنطقه يقال لها البي >> اهـ ياقلبي :9:
واستقبلنا المطر




رحنا للمنتجع عن طريق السفينه مافي دخول لمكان السيارات



وانشغلت بهالبط وانا آكل فيه مايشبع



ورجعنا للعاصمه كوتشن للتسوق والملاهي

واستقبلنا ع البحر هالكلب

قال يبي صوره قلت ابشر عدل الجلسه واخذنا له صوره كلب هندي خخخخخ



صورة من الفندق..





واخيراً العوده لاارض الوطن بس كمان صار فيها علووووم

وحنا بالسما معلقين كانت غيوم ومشغلين لمبة الخطر قلت خلاص جانا الموت الناس تشرب وتاكل وتتفرج ع التلفزيون وانا انشغلت بلمبة الخطر اجي ابلع مااقدر خليت الاكل وجلست متوتره اراقب الاجواء..

وهذي صوره


يوم دخلنا بالسحب بدت الطياره تميل يمين ويسار انا شغلت صافرة الانذار ابغى اموت بالارض والله توبه مااعاد اسافر واللي يسافر غلطان رجعوني لاارض الوطن واللي حولي متبطحين من الضحك وجلسنا على هالحال 3 ساعات >> موقف لااحسد عليه وشوفوا التعليقات بعدين علي هع بس نفسي نفسي خخخ
وهذا وقت دخولنا بالسحب



بالله مايحق لي اشغل الصافره خخخخخخخخخخخخ

انتــهى والله الله بالردود ولا اوصيكم الهند الهند :bleh:

الله يعطيك العافيه

رحلة جميلة جداً و التصوير رائع ... إبداع
تحياتي ,,,

سلمان ..

كل الشكر لمرورك

لاعدمتك.

رحلة جميلة جداً و التصوير رائع ... إبداع
تحياتي ,,,

الروعه تكمن في حضورك الكريم
لاعدمتك..

ما شاء الله صووور جميله من مكان جميل ...


أشكركـ على هذه الصور الرائعه ..


احترامي لكـ
سلطان آل وافي

قمة في الروعه وتصور مميز وجميل

الله لايحسد عيونكم بجد شي جميل ومناظر خلابه

اهم شي استانستي خيتو بنت رجال

وبالتوفيق اعجبني التصور

واندمجت مع المناطر

واحلى تقييم

سلطان ال وافي

اشكر لك حضورك المميز..

لاعدمتك

القلم المبدع

مرورك كأس شرف لي

والحمدلله استانسنا وفليناها ..

زين عجبتك الصور

لاعدمتك..

بنت رجال
رحله روووعه ماشاءلله ومتميزه
يعطيك مليون عافيه
على طرحك الجميل لا عدمتك لك خالص احترامي وتقديري