هذا بنات اليوم برقع وجوال

هذا بنات اليوم برقع وجوال .... والاعباية كتف هم يلبسوها

والراس فوق الراس طرحه مع الشال .... حتى الخصال الطيبة افقدوها

الأم نامت والابو صار تمثال .... والبنت راحت وين ما يسألوها

بالليل تسهر بين هاتف وجوال .... والا على دش الفلس سهروها

اقفاي هي ما بين الاسواق واقبال .... بلا غرض راحت ولا انشدوها

اللبس تلبس كل ما يطرب البال .... وفلوس لو تنقص عليها عطوها

من شافها باللبس يا ساتر الحال .... يسبها ويسب من خلفوها

كومة لحم وعيون والرمش قتال .... ويلا مشت كل الشباب اتبعوها

هم ما دروا لون البراقع بتنشال .... ونشوف وش تحت البراقع خفوها

يرتاح من صابه من اسبابها هبال .... ويشوف والله من عيونه هووها

وين البنات اللي بهم تضرب امثال .... ليت السلوم الطيبة ما تركوها

البنت زين البنت لا زانت الحال .... ما هو بلبس ولا علوم خذوها

وين المراجل ما بقى غيره ارجال .... ليت الشوارب واللحى حلقوها

اللي على عاره رضي الذل ينقال .... ليت الكرامة ليتهم يرفعوها

ما عاد ينفع قول فيها ولا قال .... لا الأم والله ولا الأبو انفعوها

اصبح ضياع البنت بسباب جوال .... البنت ضاعت والأهل ضيعوها

ملاحظة :

لم اعرف الشاعر حتى نشير لاسمه

وين البنات اللي بهم تضرب امثال .... ليت السلوم الطيبة ما تركوها

البنت زين البنت لا زانت الحال .... ما هو بلبس ولا علوم خذوها

وين المراجل ما بقى غيره ارجال .... ليت الشوارب واللحى حلقوها

اشكرك من اعماق قلبي على نقل هذه القصيده الجميله في حال البنات اليوم

الله يجمل حالك

يعطيك العافيه قصيده رائعه بوركت

بو عوض الغالي



شمراني وافتخر


مروركم اسعدني يالغالين

مشكوووور على القصيده الرائعه مصلح الشمراني

والله انه صدق من قال ذا القصيده ,,,,,,,,,,,,,,,,,,

الف شكر لك اخي على النقل وما قصرت ,,,,,,,,,,,,,

من قالها هالقصيدة صدق,,,, مشكور اخوي بحر العلوم,,,, ويعطيك العافيه,,,
مع تحياتي&*شمراني والوفاء عنواني*&

شكرا لكم جميعا


الله يعطيكم العااااااااااااااااااااااااافيه