فوق هام السحب ( الشعر الشعبي) على متن القوافي

اثنين تلقى قربهم راحة البال
ومن برّ فيهم عند ربه جزاته

واثنين تلقى قربهم سو الاحوال
من قاطع ارحامه وقاطع صلاته

الذيب لا جاع ما يأكل من الحرجه
واليا شبع ما دفن للقابلة سوره

الرزق مقسوم و الضيقات منفرجه
والحمد لله دام الحال مستوره

حاول تخلي جلستك عند العرب ركعة وتر
خفيفةٍ تقضي لزومك اذا صليتها

وحاول تخلي كلمتك عند العرب ليلة قدر
كلٍ يدورها ولا يدري متى توقيتها

وحاول تخلي كلمتك وقت العتب رشة عطر
يفطن لها المخطي ولا تندم اذا رشيتها

يا صاحبي والعيب ما عـاد به عيب
واللــي يــدارون المنــاقيــد ماتـو

باالحيل لو دققت شفت العذاريب
وعقيّلنــا مــع مايــل الوقت هاتو

الوقـت هـذا طلّـع بروسنا شيـــب
نبكــي علــى أياماً جميلات فاتو

حنيـن حنيت لـك يـا لابــس الخنة
يا مـن لك اعيان كحـلا ســود قتالة

ما ظـن قلبـي ابـد ينســاك ما ظنه
ولا اقدر انسى غرامك طول ماطاله

يـا فـاتنـــي يـا دوى قلبــي و يافنه
مـن حب مـزيون مثلك حلو يهنالة

في بعدك اصبحت بين النار والجنة
عـايش بـدونك مبهـذل حالتي حالة

آه من قلبي اللي دايمٍ في ذهول
والله انه ثقيلٍ لين جوه الثقال

ياقطاة العبيه ياهيام الذلول
ياعيون النداوي يارقبة الغزال

نور وجهك على من شاف منك القبول
نور صبحٍ تبسم في رهاد الجبال

كني اقرا على طُرّة جبينك تقول
انا قلبي يحبك ياحبيبـي تعال

كان قدمي حدٍ فالحب راح مهبول
والله انه خطيرٍ لايجيني هبال

المحبه جملها مرسلٍ ومعقول
لنعنبو من يقول ان المحبه خبال

والذي ليلة الاسراء عرج بالرسول
ان حبك لحال وحب غيرك لحال


سعد بن جدلان

‏ماحب الرفيق اللي يحب يتجمل في
‏احب الرفيق اللي ماقد شفت معروفه
‏
‏هذا مااشعر بحريتي معه دامه حي
‏وذاك اشعر بحريتي كل ماشوفه.
‏

‏الي على الفطره وصافي مع الناس
‏في هالزمن محسوب "دقه قديمه"
‏
‏واللي على غرات الاجواد بلاس
‏يلقى من الغادين حشمه وقيمه
‏

يا صاحبي مهما يميلن الاوضاع
الله كريم وكل صعب يحله

وكسب ينزلنا من الرجم للقاع
لو كان ياقف في نصدنا نزله

نشوم شومة عز عن بعض الاطماع
لا صار تلحق عزة النفس خله

حنا عزاز ولا نحب التخضاع
والله خلق فينا الكرامه جبله

نكره وجيه الكبر في كل الاصقاع
والكبر يرخص كل نفس تشله

من عاش عمره للمخاليق تباع
‏ يشرب فناجيل الغبن والمذله

‏وراع المعزه لو من الوقت يلتاع
‏ يعيش شامخ ما انحنى غير لله


خليل بن هدلان

يا كثر صدقان الصحن والمعاميل
ويا قلهم لامن تقادح شررها

إعلم ترى الخوه فعول وغرابيل
في دورة الأيام يجنا ثمرها

بعض العرب للتمشيه والتساهيل
وبعض العرب للمعضلات وخطرها

أحدن توصل به بعيد المواصيل
وإذا معه لك حاجتن ما ذخرها

وأحدن هبيل ويحسب انا مهابيل
نستر عيوبه والله اللي سترها

ظهره ظهر عقرب وبطنه بطن فيل
ووقفات سمحين اللحى ماقدرها



رشيد الزلامي