| الضحك والفرفشة بحدود المعقول "طرح المواضيع التي تبعدنا عن روتين المنتدى الرسمي" |
|
|
أدوات الموضوع | إبحث في الموضوع | انواع عرض الموضوع |
11-14-2008, 02:00 PM
|
#1 |
|
مشرفه عامه
 |
أيــــــــام التسدح عند القناه الأولى ...
خارج نطاق المذاكرة!!!
موضوعنا اليوم عن القناة الأولى وما ادراك ما القناة الاولى ياحبي لها بالتلفزيون السعودي ايام الطفولة والبراءة <<<<=== ايام الفرفشااات ===>>> خير وش تبين انتي ههههههه يوم كنت فرفوره صغيره كنت مغير اتسدح عند التلفزيوون قبل ماتفتح القناة الأولى اشووف الألوان أجلس احتري القــرآن يخلص واذا بدا الكرتووون أرووح فيها وتبدأ العنوووون تتفتح والسعابيل تتزلق هههههه المهم وبما اني مدمنه افلام كرتون ايام الطفووله ولي ذوقي الخاص اخترت لكم بعض الافلام اللي حفظتها صم من كثر ما اشوفها <<<<== شكلها للحين تتسدح عليها هع (( الكابتن ماجد )) مدري وشلون يتشقلب في الهوا كم قلبه وبعدها يسدد الهدف ويطيح ع الارض ومايجيه شي ماشاء الله تف تف يقلع بليسه كل ماجلست اتفرج على اخوي وهو يلعب كوره وبيتشقلب مثله مايمديه يرفع رجله الا وهو هابدن على الارض والا حركة التوأم منير وأنور اللي كأنهم قرووود هههههههههههههههههههههههههه <<<== استغفر الله العظيم بس بس احلى شيء اننا عارفين انه فايز فايز بالمباراه حتى لو بأخر ثانيه يسجل ثلاث اهداف المهم يفوز بس والله كنت اتحمس معه تحمس مهوب طبيعي واقعد ارفس اللي قبالي هههههههههه ملاحظه: نشرت أحد الصحف بأن تسمية الكابتن ماجد بهذا الاسم .. هو على اللاعب الآسيوي الأول ماجد عبدالله فلم يجدوا من يستحق أن يسمى عليه أكثر من هذا اللاعب الفذ . . . . . ((بشار)) هالمفهي اسميه ( بيض عيووون) جابلي الضغط وانا صغيره على كبر عيوونه امه تمر من جنبه ومايشووفها وانا عاد من زود التحمس اصااااااارخ اقوله امك ياغبي التفت <<<=== الي يشوفهاا يقول بيسمعهاا الحين بشااار والله (90) حلقه وهو يدووووور امه وتحذير: لاصحاب القلوب الضعيفة فيه حشرة خضرة لابسة باروكة قهوية, ايديها زي السيوف ..تخوف .. الحذر الحذر <<<== هع هع وهع هع على اغنيته ((( بشار يا بشار هيا الى العمل اجمع ندى الازهار من روضة الامل ))) . . . . . ((سالي)) عاد تجيكم سيدة الشاشه الكرتونيه سالي يافديتهاااا هالبنت قطعت قلبي حته حته من تبدأ الحلقه لين تنتهي وانا صياح واهلي يجون يسألوني وشفيك من طقك .. اخوك اخذ لعبتك..فيك شي يوجعك وانا ماني معهم دموعي اربع اربع بس كانت تقهررررني بشي واحد . يهاوشونها وهيه ساااكته ويكرفونها وهيه منطمه والاعاد تجيكم التيسه آنسه منشن والله انا حاقده عليها هالخااايسه<<<<تحمست هههههه . . . . . . ((هايدي)) عاد هاذي اللي صدق بعدو عني اذا جت اخش جووو بقووه هايدي فتاة جبال الألب والعنزااات والخرفااان ياحبي لها هي وبيتر كلير <<== المشلوله الحمدلله ابشركم مشت هههههههههه وجدها الشديد <<=== بس اخر الايام هجدت شياطينه صار حليل ههههههههههه وجدة بيتر العجوز المنتهيه ولا تهون عنزتها ويكي بس تقهرني هايدي اذا فصخت الحياء و فصخت فستانها وراحت تطامر مع بيتر فوق التلال هع هع . . . . . . ((عدنان ولينا)) <<<=== ياعيني عالرومانصييييه يانااس وهـ بص ارووووووووح انا معهم هذاا عاد للحين عندنا اشرطته عدنان ذا الي من اول حلقه ماغييير لبسه واخر حلقه تكشخ وجاب العيد ههههههه والا صديقه عبسي والله يا ويل قلبي على المغامرااات لولا اصبع رجل عدنان االي كان يكتب فيه ويدخله في خشمه <<<==== هع هع يحووم الكبد الله يقرفه هههههههههههه ولينا ذي الحساسه فديتها وعلام الشرير اكره هو وجهه المربع ههههههههههه . . . . . الله يالدنيا الحين كبرنا <<<== يا حبنا للحش عاد والتقطيييع مير الحين القناة الاولى مانقرب حولها طايحين بسبيس تون وام بي سي ثري المهم مالكم بالطويله بس حبيت اعيد ذكريات الماضي وايام الطفوله التي لن انساها ولن انسى ابطالها <<<=== لايكثر وعاد سامحونا على القصور والليمون المعصوور ههههههههههه وســـلامتكم ملتوووووووووش |
|
|
| أدوات الموضوع | إبحث في الموضوع |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| الأولى بالغيرة | الحمدان | المنتدى العام | 4 | 03-29-2018 01:40 AM |
| سحر القناه الرابعه هل ينقلب عليها ماذا تريد بريطانيا من هذه الخطوه؟ | راعي تباله؟ | المنتدى العام | 3 | 07-07-2013 12:50 AM |
| ايام التسدح عند القناة الاولى | حنين شمران | الضحك والفرفشة | 3 | 10-28-2010 03:55 PM |
| التصدي للإرهاب ومحاربة الأفكار الضالة مسؤولية المجتمع بجميع فئاته | أبـو رفـيــع | المنتدى العام | 10 | 12-07-2009 04:19 AM |
| التشدد والأنفتاح | abo assaf | ديوان الشاعر إبراهيم بن طهيفان الشمراني | 4 | 08-20-2008 01:02 PM |
العرض الشجري