بن ظافر وبن حميران محاوره قويه

السلام عليكم ورحمة الله وبركاته هذه محاوره بين (بن ظافر وبن مسفر )مع (بن حميران وبن شافي) في حفل زواج الشاعر محمد بن ثايب واليكم البدع من بن ظافر وبن حميران
البدع بن ظافر
صدام يوم اقبل كثيره شياطينه
في قلبه الاحقاد والغدر في عينه
يسوق جيشن ما تلاحق طوابيره
ويحسب بلاد العرب ما بها غيره
رفرف علمنا والطوابير منصوره
وبساحة الخفجي عطينا لهم دوره
يظل ذكراها للاجيال منشوره
ان عاد عدنا والمنها ورا دجله
ما تقنع البصره ولا شط بغدادي
البدع بن حميران
يامن ملا للناس يملا ملاحينه
لو طالت الايام لا واعنا عينه
لا ما مشا دربن به الناس ماشينه
ويقول بعد دور الايام وشهوره
لاعاد يوم الشر للناس وخطوره
هذيك طايحتن وهذيك منحوره
ذياب بن خاله لبوبه قفل حجله
يحج مع بوزيد والا ابن شدادي
البدع بن ظافر
التاجر اللي ما يعدل موازينه
جا للثمر حينن وجا للجنا حينه
يوم المريكي ما كفته السما ديره
جاز الفضا من غير فيزه وتاشيره
الا البحر ما ريد شوفه ولا زوره
الا تكن روحي لشوفته مجبوره
والا انزل بلاد والا ديار مهجوره
وكل قاضي ما ندور سوا عدله
بعد التقينا الليل في حفل الاجوادي
البدع بن حميران
يا مرسل بخطن موضح عنواينه
اللي صلا صم الحجاره صلا طينه
واشاهد الموقف واقدر دنادينه
السالفه حيه وبالعكس مقبوره
لو ان بعض الايام للناس مسحوره
الله يكفينا بلاويه وشروره
اللي تسمع صوت زيرن يلج لجله
الناس كم جوله ماشين وافادي