مزنة مدلهمة

مزنة مدلهمة

الشاعر:خالد بن طفلان

بعد سامرت النجوم اللي على السمَار.. غمّه
أقبل الصبح بنسانيس الهوى.. والليل قفّى
الغريب اللي يشوف أن الشعر.. لحمه ودمّه
غير من شاف الشعر ما غير موزون ومقفّى
عاش في الكون الفسيح وذاق من شهده وسمّه
من تجاريب الحياة المكلفة.. ما جاه كفّى
كافح الدنيا ويلا من.. زاد همّه! زاد همّه
والمكابر.. في عيـونه.. لو تخفّى ما تخفّى
رغم ما يحمل بقلبه من جروح مستشمّة
مستحيل أهل التشفّي فيه تشمت.. واتشفّى
اقبلّي يا زينة اللي زيّنو لبس الأزمّه
وافخري يا كفاية اللي.. كفّته فـوق الأكفّا
جيّتك جية مطر من جوف مزنة مدلهمّة
الأرض من زود العطش يمكن ترحب واتحفّى
العلاقة لو توفّت بيننا مـا هي.. مهمّة
المـهم الحب وسط القلب عايش ما توفّى
لو يشوفونك مثل ضوح السراب أشوف جمه
أقطع الفرجة عشانك.. لو سماريي تحفّى
الحبيب الصادق اليا من عطى الميعاد تمه
وأنا هو نفس الحبيب.. اللي ليا واعدك وفّى
انتخي يا أم الغطاوي باسم.. لبّـاس المعمّه
لجل عينك ينطح الغارات والموت المصفّى
أمهليه الين ما.. يطلع بعزمه رأس قمّة
وأبشري في وقفة تشرف.. و نار ما تطفّى

بارك الله فيك على المشاركة المميزة
سلمت يمناك ولا عدمناك..
دمت برضى الله وفضله

تسلم يداااك على القصيدة نقل جميل / مجهودك طيب
بارك الله فيك
ودمت بخير

مشاركة مميزة
واطلاله رائعة
تسلم الايادي ولاحرمنا من هذا التواجد الفعال
ودي لك وتقديري

كل الشكرعلى المشاركة وعلى المجهود في المنتدى
ماننحرم من جديدك المميز
خالص تقديري لك

بارك الله فيك على الطرح الرائع
إستمر ولك التوفيق بـإذن الله
ونفعا الله وإياك بما تقدمه

تقديري وإحترامي