بلقاسم الشمراني

السلام عليكم ورحمة الله وبركاته

صلوا على النبي...وهذي ابيات بالحال فاض الهجوس بها لرجل افتقده واقف اكبارا لخدمته قبيلته من خلال هذا المنتدى..


يامستهم(ن) للقصيد الحاني .... لاصار قلبك تسنْه فوق المله
متوجد(ن) وجده كما مروان ِ.... بالاندلس دمعه عليه يهله
او راعي ٍ للذود فــ الصمان ِ.... راحت بله من علة ٍ معتله
ماصار له بالمهرجان مكان ِ....من عقب مانقّى له الماشالله
بنشدك عن رجلٍ وسيع بطان ِ.... طيب كريم وعزوته عز ٍله
ماشفت لي بلقاسم الشمراني؟ .... طول علينا حي ذيك الطله
رجال لاجل قبيلته متفاني .... قدم لها وقته وعمره كله
مركازه الروحا وطيبه جاني .... الله يعمر ديرة ٍ مرعىً له
قيف الرجال اللي تعز العاني....نعمين بالحاهم طياب المله
الله عليهم عصبة التهماني....لك الله انهم للفخر مرسىً له
والنعم ماله غير هالعنوان ِ....فعل الرجل بين الرجال يتله
والكل فيه الخير يالاخواني....لكن بلقاسم حقيق ٍ والله
باقولها من خاطر ٍ شبعان....ماغير اكيف للرفيق الدله
بعض البشر باقصى الاراضي داني....لانه بنون العين ذاك محله



وعفااااكم والعذر من القصور

رجال لاجل قبيلته متفاني .... قدم لها وقته وعمره كله
مركازه الروحا وطيبه جاني .... الله يعمر ديرة ٍ مرعىً له
قيف الرجال اللي تعز العاني....نعمين بالحاهم طياب المله
الله عليهم عصبة التهماني....لك الله انهم للفخر مرسىً له

شكرا اخ الكايد على هذه القصيدة يستاهل بلقاسم كل خير وكل اهل تهامه اهل الكرم والجود والطيبة
تقبل مرورى

يستاهل بلقاسم القصيده
وتشكر اخي الكائد وفقك الله

والله ماتقصر يالكايد ,,,, وصح لسانك وعساك سالم
وبلقاسم يستحق التقدير والإحترام على حهوده المبذوله
تجاه القبيله عن طريق المنتدى ,, تقبــــــــــــــل مروري

بنشدك عن رجلٍ وسيع بطان ِ.... طيب كريم وعزوته عز ٍله

يستاهل بلقاسم ,,, ومرحبا به بين اهله واخوانه

وعز الله اننا اشتقنا له ,,

صح لسانك ياخوي الكايد ,,

يستاهل بلقاسم
وصح لسانك اخي الكايد

صح لسانك وبيض الله وجهك يستاهل أبوأبراهيم
وننتظر عودته حين زوال ضروفه
بارك الله فيك

صح لسانك يالكايد
وبلقاسم كفو ويستاهل

يستاهل أخونا الغالي بلقاسم ال عدول
وصح لسانك اخي الكايد

يستاهل ابو ابراهيم ماقيل فيه وكلنا والله نفتقده ولكن دراسته اهم واولى

صح الله لسانك أخي الكايد على ماعبرت به عن مشاعرنا جميعاً

تقديري لك