مع هجعة الليل

ياسعد ياللي تذبح الحشو والحيل
من شان ضيفك ماحسبت الخساير
مجلسك ريحه فوحة البن والهيل
صفر الدلال اللي بها الكيف فاير
بسند لك الشكوى عسى دارك السيل
ياالشاعر اللي في سما الجزل طاير
شكوى الحزين اللي بلته الغرابيل
دايم على حظه تدور الدواير
لا جيت واد التهم مع هجعة الليل
تسري بي الذكرى واهل العباير
اسج بالماضي مع سالف الجيل
وتضيق بي انفاسي وافك الزارير
ولالي ونيس الا الثريا مع سهيل
وابقى على هالحال مكسور باير
حتى الشروق يبدل الليل تبديل
ويصبح شعاع الشمس فالكون ناير
ياسعد راح العمر ضيم وبهاذيل
وعظمن كسره الوقت ماله جباير
كسر المحبه ميل الحال تمييل
وحمل المحبه ياسعد حيل جاير
ولاصار خلك في حظن غيرك مقيل
تجري الغبينه في عروق الضماير
مايضنك العيشه وذل الرجاجيل
الا هوى خلن مع الغير صاير
ويصعب علي ياسعد قطع المواصيل
قلبي تعلق والحنايا سعاير
زرعت حبه والعذاب المحاصيل
وعميت عيوني مثل عمي البصاير
ولاياخذك فكرك لبعض التحاليل
انا احمد الله ماقربت الكباير
وختامها عداد هل المخاييل
اقبل تحياتي لو الجرح غاير
يوسف الشمراني

شكرا على القصيدة

دام لنا عطائكم المميز والجميل

تحياتي الوردية ...

لكـ خالص احترامي

شكرا على القصيدة اخي الشاعر
مشاركة مميزة
واطلاله رائعة
تسلم الايادي ولاحرمنا من هذا التواجد الفعال
ودي لك وتقديري

صح الله لسانك اخونا الشاعر
جزاك الله خيرا على المشاركة
وان شاء الله تكون في ميزان اعمالك
الله لايحرمك الأجر .

شكرا على القصيدة الرائعه شاعرنا المميز يوسف
بارك الله فيك
ولك اجمل تحياتي وارقاها

ابداااع رائع
بارك الله فيك على المشاركة المميزة
سلمت يمناك ولا عدمناك..
دمت بخير...

صح الله لسانك شاعرنا
بارك الله فيك على الطرح الرائع
جزاك الله خير الجزاء
على الإفادة
تحياتي وتقديري

صحت ابدانكم جميع وشكرا على الاطراء وجعلني الله عند حسن ظنكم بي

صح الله لسانك اخي الغالي
جزاك الله خيرا على المشاركة
وان شاء الله تكون في ميزان اعمالك
الله لايحرمك الأجر .