منتديات قبائل شمران الرسمية


المنقولات الأدبية لكل ما هوا منقول من شعر وخواطر

إضافة رد

 
أدوات الموضوع إبحث في الموضوع انواع عرض الموضوع

قديم 12-28-2022, 11:14 PM   #1
مساعد للمدير العام ومستشار للمنتدى
 
الصورة الرمزية الحمدان
 

الحمدان is on a distinguished road
افتراضي مع هجعة اللي يختفون اول الليل

مع هجعة اللي يختفون اول الليل
الغايبه دايم يغيبون معها

النفس تاقت لسمر والتعاليل
والعين أشوف النوم خالف سنعها

وطاب الجلوس بجانب النار ياشعيل
وحط الحطب في ترعتن من ترعها

واليا أستوى للجمر فيها دحاميل
واقبل تواهجها وقفى ولعها

درج على المحماس من غير تعجيل
بريتن دوب اليماني قطعها

أول قطاف أسفوح شم الأقاذيل
اللي جذا حوم الوحش عن فرعها

شمن يساقيها السحاب أبهماليل
ليت إيتحدر سيلها مع تلعها

وترا لحمستها نضام ودواليل
وشريعتن يمشى بثر من شرعها

أول بدايتها مدافع مخاليل
ومسرا جماميل بغالي سلعها

وسوقن كما سوق الجمال المحاميل
مازال حمو النار ماقد لذعها

واليا تطلق من شذاها زعاجيل
وبشت عرق واللون الأشقر بشعها

فالحال سهلها عن النار تسهيل
حتى لضا المحماس مايدّرعها

وعجل لها ياشعيل مسرا الجماميل
بطراد زلباتن تزايد فزعها

تدريجت الحيران ومطارد الخيل
هذي طريقت حمسها واتبعها

ومن عقب ميلها على النجر تمييل
جذاب روس القوم من منتجعها

عوايدله من على سالف الجيل
ماهي جديده توّنا نبتدعها

ومن يوم تنعمها فدوك الدعابيل
فوق اصهب اللون الربيب أتهزعها

وأضبط قياس الماء لها بالمكاييل
ضبط الخبير لصنعتن مخترعها

ومن يوم تقطع خلها مثل ماقيل
ترخي على هدف السبيل أمخذعها

مبهارتن تذعر بغال التشاكيل
طب العماس اليا تيسر سنعها

صفرآ كما القنديل حسنا تعازيل
من صنعتن رسلان الاول صنعها

لادارها اللي يعتني بالمعاميل
وفاحت وبالفنجال الاول ردعها

وفيها تساوت خنت اللبن والهيل
والنفس دافعها علاها دفعها

قم صبلي ياشعيل منها فناجيل
على سنا ضو(ن)تهادا ولعها

أضنها يامال طول التماهيل
تقلع همومي كان ربي قلعها

وتفتح لها أبوابن بصدري مقافيل
وتجمع لي أفكارن تشتت ضيعها

واخذبها عن ضيقت البال تبديل
وصروف دنيا مامشت مع سنعها

دنيا تصيّد بالشبك والمحابيل
ناس(ن) تسايرها وناس اتخدها

أحدن تجيله بالرضا والتساهيل
ولوهو تعب في جمعها ماجمعها

واحدن ركابه مقفياتن مقابيل
ولاباب ولاّ نافذه ماقرعها

وتعطيه قاف أليا طمع بالمواصيل
وينكف معيف وسامحن من طمعها

دنيآ تقذل سبّق الحر تقذيل
وتوهنه في ربعتن من ربعها

لو قد مضاله من شقاها غرابيل
يوم الحرايب مضلماتن بقعها

يوم الطلوع إبها على الهجن والخيل
ماقد فهق عن طلعتن ماطلعها

ويوم أستقرت واغدقت بالمحاصيل
صارت منافعها لمن لانفها

عقبانها تمسي قوايآ مواجيل
والمستفيد غرابها مع مرعها

واللي مسار أمورهم بالبراطيل
واللي متى ماوافقتله بلعها

ومن ذاق در المرزمات الاباهيل
أما حلبها حلب والا رضعها

وحصنيها يرقص على هزت الذيل
ولويجتمع قدمه سباعن سبعا

ولاعندنا ياشعيل للعوج تعديل
ومازال ممشاها على العدل أطعها

وان شفتها قامت تجانف على الميل
بردا ثمن عند أول السوم بعها

واستثن منها قومتن فآخر الليل
في ساعتن كلن يحب إيهجعا

لاجال ثلث الليل الآخر تراتيل
وقامت ملايكة الرضا قمت معها

في ساعتن تكبيرها والتهاليل
يجنا ثمار اعذوقها من زرعها

وخل إجتماعك بالرجال الحلاحيل
اللي خيار المجتمع مجتمعها

ولا تبدي الشكوى ليا ضامك الشيل
ألا على رجل(ن) يحس بوجعها

رجل(ن)ليا أصتكت علاك النشابيل
أما شبرها شبر والا ذرعها

ومن الزمان أخذ العبر بالرحاحيل
اللي منازلهم تهاوى بقعها

ويافكرتي لا جيت بعض المداهيل
ولا شفت فيها عقب حي(ن) رتعها

ألا رسومن دارساتن مواجيل
وخرايمن يزمي السراب أبشمعها

بلاقعن شهب تهاوى زهاليل
الظاهر إن اللي فجعني فجعها

من عقب أهلها لو سقتها المخاييل
مالله نفعها وبركتها نزعها

لاجيتها جضيت من قلت الحيل
ودنياي عندي ضاقبي متسعها

على حلاحيل(ن) تضد الرياجيل
حصنن ماعاد ألا مقالع شيعها



الشاعر الكبير عبدالله بن عون



الحمدان متواجد حالياً   رد مع اقتباس
قديم 12-29-2022, 01:37 PM   #2
مراقب عام وأداري للمنتديات
 
الصورة الرمزية ريحانة شمران
 

ريحانة شمران is on a distinguished road
افتراضي رد: مع هجعة اللي يختفون اول الليل

شكرا على القصيدة الرائعه وصح لسان قائلها
تسلم يداك
وبارك الله في عملك
تحياتي وتقديري لك

نقره لعرض الصورة في صفحة مستقلة



التوقيع

نقره لعرض الصورة في صفحة مستقلة

ريحانة شمران متواجد حالياً   رد مع اقتباس
قديم 12-29-2022, 01:42 PM   #3
 
الصورة الرمزية حازم معاد الشمري
 

حازم معاد الشمري is on a distinguished road
افتراضي رد: مع هجعة اللي يختفون اول الليل

صح منطوقه
مجهود رائع ,,بارك الله فيك
دمتم بخير



التوقيع

نقره لعرض الصورة في صفحة مستقلة
حازم معاد الشمري غير متواجد حالياً   رد مع اقتباس
قديم 12-30-2022, 02:43 AM   #4
 
الصورة الرمزية ابو فيصل الزهراني
 

ابو فيصل الزهراني is on a distinguished road
افتراضي رد: مع هجعة اللي يختفون اول الليل

شكرا على المشاركة
جزاك الخير كله .. اثابك ورفع من قدرك
ووفقك الله لما يحبه ويرضاه ...



التوقيع

نقره لعرض الصورة في صفحة مستقلة
ابو فيصل الزهراني غير متواجد حالياً   رد مع اقتباس
قديم 12-30-2022, 02:18 PM   #5
إداري
 
الصورة الرمزية أبو شريح الشمراني
 

أبو شريح الشمراني is on a distinguished road
افتراضي رد: مع هجعة اللي يختفون اول الليل

بارك الله فيك ..
وجعل ماتقدمه من موضوعات فى ميزان حسناتك ..
دمت فى رضا الرحمن



التوقيع


نقره لعرض الصورة في صفحة مستقلة
أبو شريح الشمراني متواجد حالياً   رد مع اقتباس
قديم 01-11-2023, 05:53 PM   #6
 
الصورة الرمزية نواف الشمري
 

نواف الشمري is on a distinguished road
افتراضي رد: مع هجعة اللي يختفون اول الليل

بارك الله فيك

دمتم بخير



التوقيع



نقره لعرض الصورة في صفحة مستقلة
نواف الشمري غير متواجد حالياً   رد مع اقتباس
قديم 01-18-2023, 08:09 AM   #7
مساعد للمدير العام ومستشار للمنتدى
 
الصورة الرمزية الحمدان
 

الحمدان is on a distinguished road
افتراضي رد: مع هجعة اللي يختفون اول الليل

اقتباس:
المشاركة الأصلية كتبت بواسطة ريحانة شمران مشاهدة المشاركة
شكرا على القصيدة الرائعه وصح لسان قائلها
تسلم يداك
وبارك الله في عملك
تحياتي وتقديري لك

نقره لعرض الصورة في صفحة مستقلة

ألاخت الغاليه ريحانة شمران
أشكرك جزيل الشكر لتعقيبك
كل الموده والتقدير لاعدمتك



الحمدان متواجد حالياً   رد مع اقتباس
قديم 01-18-2023, 08:10 AM   #8
مساعد للمدير العام ومستشار للمنتدى
 
الصورة الرمزية الحمدان
 

الحمدان is on a distinguished road
افتراضي رد: مع هجعة اللي يختفون اول الليل

اقتباس:
المشاركة الأصلية كتبت بواسطة حازم معاد الشمري مشاهدة المشاركة
صح منطوقه
مجهود رائع ,,بارك الله فيك
دمتم بخير

أخي الغالي حازم الشمري
أشكرك جزيل الشكر لتعقيبك
كل الموده والتقدير لاعدمتك



الحمدان متواجد حالياً   رد مع اقتباس
قديم 01-18-2023, 08:11 AM   #9
مساعد للمدير العام ومستشار للمنتدى
 
الصورة الرمزية الحمدان
 

الحمدان is on a distinguished road
افتراضي رد: مع هجعة اللي يختفون اول الليل

اقتباس:
المشاركة الأصلية كتبت بواسطة ابو فيصل الزهراني مشاهدة المشاركة
شكرا على المشاركة
جزاك الخير كله .. اثابك ورفع من قدرك
ووفقك الله لما يحبه ويرضاه ...

أخي الغالي ابو فيصل الزهراني
وإياك
أشكرك جزيل الشكر لتعقيبك
كل الموده والتقدير لاعدمتك



الحمدان متواجد حالياً   رد مع اقتباس
قديم 01-18-2023, 08:11 AM   #10
مساعد للمدير العام ومستشار للمنتدى
 
الصورة الرمزية الحمدان
 

الحمدان is on a distinguished road
افتراضي رد: مع هجعة اللي يختفون اول الليل

اقتباس:
المشاركة الأصلية كتبت بواسطة أبو شريح الشمراني مشاهدة المشاركة
بارك الله فيك ..
وجعل ماتقدمه من موضوعات فى ميزان حسناتك ..
دمت فى رضا الرحمن

أخي الغالي ابو شريح الشمراني
أشكرك جزيل الشكر لتعقيبك
كل الموده والتقدير لاعدمتك



الحمدان متواجد حالياً   رد مع اقتباس

إضافة رد

مواقع النشر



أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية