فوق هام السحب ( الشعر الشعبي) على متن القوافي

صباحكم جُمان



عبدالله الطفيلي:



صاحبي لادارت الايّام واضناك الفراق
واستباحك كل جرح وصار لك مثل الخوي

اذكر اللي من فراقك ضاق صدره واستضاق
حالته تِشكى وصدره من همومه مرتوي

كنّه المسجون ظلم وحِط بيديه الوثاق
وصار مجرم في عيون الناس لوانّه سِوي


وانت يانبض الخفوق ومنهله عذب المذاق
لاتزوّد ضيقة اللي من زمانه منكوي-



ود
@جاهله@

شعر نبطي قديم

الشعر النبطي هُو مِن الأشعار القديمَة المُنتشِرة فِي الخَلِيج العربي مُنذ القِدم، فقد نظم العديد من الشعراء
الخليجيون الكثير من الاشعار فى هذا النسق، ومنها:




ياالظما ..ماوردتك عن قناعه
وانت مالك أمان .. ولاشريعه

مااكذب من السراب إلا اتّباعه
ولا اصعب من الفراق إلا ..القطيعه

مامضى مِنكْ ياصعب .. انتزاعه
من جروح ٍ تموت .. ولاتذيعه

بين رغبة حضورك .. وامتناعه
جيت اجامل “غيابك” في صنيعه

وشاعرك .. لا تناسى ..ياضياعه
كن طيفك – محرّم – مايطيعه.




ود
@جاهله@

مساؤكم جُمان







نقوشك سفينة في بحور القصيدة


تمضــــي إلى غاياتهـــا بالتفانيد
تبحر بنا في عالم الشعـر والنبط


وتغوص في لجّ اللالي المناضيد
أهنيك يا من جـــــــاد واجتهـــــــــد


وفنّد معانيهــا وفحــوى الأناشيد
نقوشٍ بهـــــا لبداع والفن واضح


دونـــت تاريخ النبـــط بالأسانيد
“ظاعن” أهني فيك جلّ اجتهادك


تراثنــــا فخر ومجــــدٍ به انشيد
ابدعت فــــي ابراز هذي المــآثر


وازدان باب النبــط ابها بتمجيد
انصفت في بحثك ونلـت المقاصد


تكفي اليميل اللّي نقشتــه بتوكيد
ومنّـــــي التحــايا عاطرات زكية


هبّت بنشرٍ للخزامـــى من البيد-






-من ديوان فيض الشجون لسلطان بن خليف—



ود
@جاهله@

الناس تفنى والمباني والاملاك
والقول يبقى والخبر للتوالي


الشعر معنى حكمته بعد الادراك
وما كل يلمع على النور غالي



والشعر صور شاعر فيه تلقاك
اما لبس لك جوخ ولا سمالي-

-دايم السيف-




* ويقول: بركات الشريف:


احفظ رثك اللي عن الناس يغنيك
اللي الى بان الخلل فيك يرفاك
اجعل دروب المرجله من معانيك
واحذر تمايل عن درجها بمرقاك
أدب ولدك كان تبغيه يشفيك
واستسفعه من بعد مرباه يالاك-





* وهذا الشاعر: سليمان بن شريم:


وربعك الى بان الخلل فيك عافوك
اقرب قريب لك من الناس يشناك


ان كثر مالك اصدقولك وطاعوك
وان قل ما بيدك شانت حلاياك

لو تطلب الماء عندهم كان ما اسقوك
ابعد مزارك عن وطنهم ومرباك


وان طاب حظك اصدقولك وحبوك
وان بار كل ما يبي غير فرقاك


وهراجة المجلس الى جيت وروك
منازل تطرب نظريك بدنياك


والى قضوا منك اللوازم وخلوك
تفرقوا وانت احتمل لحل ما جاك



كنك سراج البيت للنور شبوك
واللي انقضى اللازام حد الربع طفاك-




الى ان قال:


واصحى لخلان الرخا لو تغالوك
اعرف ترى اطيبهم الى احتجت يجفاك


كنك خوي مقيط دهووك واغووك
وحقك عطاك رشاك واقفى وخلك

واحذر عن العيلة ترى الحق مدروك
مثل العمل يدركك ما منه فكاك


وان كان عدوانك على الضيق حدوك
فاخصم طلابتهم بعجفاك وقداك


وان كان هم لمشرف الحق ما شوك
ناظر مطاليع الفرج قبل مبداك


واحلم على الجاهل ترى الحلم مبروك
وقم للضعيف اللي من الضيم ينخاك


وادمح خطا جيران بيتك الى اوذوك
ترى القصير وحرمة الجار بحماك


وقم للضيوف اللي لفولك وضافوك
اغلا كرامتهم حجاجك وبشراك-



وسلامتكم
@جاهله@

يقول الشاعر: عبدالله بن صقيه التميمي:


ساس الردي لابد مبناه ينهال
ولد الردي صاحبي تحطه بطانه
تلقاه وقت الضيق لاضحكك الجال
الصفر لا يغريك زين لمعانه
ترى الذهب من صافي جنيه واريال
ما يختلف يا ذيب طيلة زمانه
بستان غيرك لوبه الوان واشكال
ما تنتفع من خوخه وبردقانه
ما ينفعك ما فيه لو بالثمر مال
لاصار بالغدراء جداره مخانه

ويقول ايضا:


احرص عن الزلات في كل الاحوال
لا تنخدع باللي يعلج اللبانه
ما يفتري ويشين الناس رجال
راع الحكي بالناس خله وشانه
عليك باللي بالمهمات سردال
ليث مثل من حط قوسه رهانه
انت وانا نبعد عن القيل والقال
كم واحدٍ يا ذيب ضره لسانه-




و
@جاهله@

الشاعر: عبد الله عبد العزيز الدويش-




1 آه من جور الليالي خربا كيفي وحالي


2 حالي بها الحيل بأيد مفلس ماني ابصايد


3 الخساره والفوايد ما تساوي راس مالي


4 مال ما عندي معارف صد من هو لي معارف


5 اقتدي مع كل عارف باليقين وبالشمالي


6 الشمالي الحظ باير بارك ما هو بثاير

7 اترجأ الحول داير انوفت فيه الليالي

8 الليالي ما وفتلي دونها حيسي وفتلي

9 ون وفتلي والفتلي كدرت ما هو صفالي

10 ون صفت وياي ساعة شفتها مثل الوداعه

11 برمت من غير قاعة والعمر ملحوق تالي

12 تالي الدنيا وأهلها يا لفتى تذهب بهلها
13 لو بلغنا في أملها لازم فيها ميالي

14 مال فيها كل عدلي والصديق اللي وعدلي

15 يوم منا لي وعد لي مالي عقب العدالي -



و
@جاهله@

مساءاتكم نقاء









قـالــت هـــو الـشـعـر يـعـنـي هالـجـمـل والـسـطـور
ولاّ الــــــوزن والــقــوافـــي وإخـــتــــلاف الــبــحـــور


قــــلـــــت الله الله يــــانـــــورٍ مـايــبــاهــيــه نــــــــــور
الـشـعـر يـاخــذ مــــن عـيـونــك مــعــان الــســرور


لـــــك حـــــق يــاخـــذك تـــيـــار الـــدلـــع والـــغـــرور
الـشـعـر عـشــب الـمـشـاعـر وإنـبـثــاق الـشـعــور


الــشــعــر خـــيـــطٍ يــبــشــر بـالـصــبــاح الــطــيـــور
الـشـعـر طـيــفٍ مـسـافــر فــــي خــيــال الـعـصــور


الـشـعــر لــــه فــــي قـضـايــا مجـتـمـعـنـا حــضـــور
يـــامـــن عـلــيــهــا بــراكــيـــن الـضــمــايــر تـــثــــور

مـاهـوب عــذروب لـــو تـخـفـاك بـعــض الأمـــور
يـــازهـــرة الـيـاسـمـيــن ، فــــــداك كــــــل الـــزهــــور


لـيـا شفـتـك أعـيـش فـــي دنـيــاي جـــو الـحـبـور
أعـبـر مـعــي وأعـطـنـي وأعـطـيـك ســـر الـعـبـور


سيطر على القلب وإصنع من ضلوعي جسور
و وفـــاك وإخـلاصــك وصـدقــك جـــواز الــمــرور


بـنـيــت فـالـقـلــب قــصـــرٍ فـــــاق كـــــل الـقــصــور
الــفـــرق بـيــنــك وبــيـــن مـهـيـضــات الـــصـــدور


يـالـلــي تــقــول الـعـبــاد عــيــال تـسـعــة شــهـــور
تــبـــور بـــعـــض الــمــعــادن والـــذهـــب مــايــبــور-


الشاعر : فيصل ابن منصور الرياحي -رحمه الله-

(وقد أطلقت عليه الصحافة الشعبية والجمهور عدة ألقاب منها :
داهية المحاورة ، أمير المحاورة , العملاق ، ملك المحاورة ، شاعر الحكمة)

ود
@جاهله@

المدينه والغريب ..
فهد المساعد-

ولد الشاعر في الرياض وعاش فيها ما يقارب أربع سنوات
من طفولته قبل أن ينتقل إلى مركز الرمحية التابع لمحافظة رماح في منطقة الرياض-


- كانت للمساعد تجربة قصيرة في العمل الصحفي من خلال إشرافه على ملف الشعر في مجلة (فواصل) عام 2008.
- كُلّف بكتابة أوبريت مهرجان الجنادرية
- دواوين مطبوعة:
(سالفة عشاق). صدر عام 1428هـ - 2007م.
(وشم) يوميات الشاعر فهد المساعد. صدر عام 1430هـ.
(عمري الجاي). صدر عام 1432هـ.
(ما علّمك صوت المطر؟!). صدر عام 2014م.
- دواوين صوتية
ألبوم (المدينة والغريب).
ألبوم (الأسرار).
ألبوم (الذكريات)-




———


جا يشـوف الحـال كيفـه بعـد ماهـزه حنينـه
وقبل يسألني سألتـه : كيـف حالـك يالحبيـب ؟


قال : انا كنـي غريـب ضيـع دروب المدينـه
قلت : انا كنـي مدينـة تنتظـر رجعـة غريـب


قال : اجل وش فيك تكره سيرة الحـب وسنينـه
قلت : أجل وش لون ما اكره سيرته دامك تغيـب


انت لا من غبت حتى مرايتـك صـارت حزينـه
كيف ما تبغاني أحزن وانت لي حظ ونصيـب !؟


الهدايـا و الرسـايـل و المكاتـيـب الثميـنـه
والليالي و القمر و الريـح و الكـون الرحيـب


كل ما تبعد .. تجيـب الشعـر ليـه مـن يدينـه
و تقعد جروحـي تـودي فالطواريـق و تجيـب


يا بعـد كـل القصيـد و نـزوة حـداه و انينـه
لا ذكرتك لاح بيت .. و طاح ورد .. و فاح طيب


و ان نسيتك ما نساني صوتك المبحـوح لينـه..
.. ياخذ لجرحي بثاره مـن خطايـاك و يطيـب


و بعد هذا جـاي ترمـي ذنبـك بوجـه المدينـه
مـا دريـت ان المدينـه كلهـا شمعـة غريـب-




ود
@جاهله@

فهد المساعد



نبض القصيد:



ماطرق جفن المحبه رمش ماله في السهر
وما لمس نبص القصيدة شاعر جاهـا كـذا



والله اني لاتعزوى واضرب حصون الخطر
لوعرف ورد المحبه كيف يلعـب بالشـذا



ياسحابه صيف منها مابعد شفـت المطـر
مغريه مثل الطموح ومشغلـه مثـل القـذا


رحلتـي شابـت تمنـى مبتداهـا بالخبـر
والنهايه ضاع وقتـي بيـن هـذا هـو وذا



ياكبر حظ السعادة طول عمـره ماصغـر
منهو اللـي لاعرفهـا مابغاهـا لـه غـذا



ماعرفت الا جروح مالهـا غيـر الصبـر
دام وقتي لاعطاني جـرح يبطـي ماخـذا



بين جرح وبين خوف وبين طعنات القـدر
طـب ياحظـي تخيـر أو تغيـر يــاوذا



وانت ياللـي لـو اقـول احبـك ماتسـر
في كلمـة فـي خفوقـي يرتكبهـا لاهـذا




ماملى عين المحبه غير وجهـك والسهـر
فوق نبض من نضمتـه مابعـد قلتـه كـذ-


و
@جاهله@

مساؤكم خزامى




الشاعر / الامير حجاب بن نحيت-

لاتنشدين الغصن وش فيه ذاوي...... مليت اجاوب كل من صاح نشـاد
هذي مواري علتـي والبـلاوي ....... وهذي مواري دمعتي حزن وحداد

هذي جروحٍ مبطيـه يامضـاوي ........ دايم عليها تنزف اجروحٍ اجـداد
جرحٍ عطيبٍ وازرق الدمع كاوي ....... وليل الشقا يضرب على خافقٍ باد


جرح الزمن اصبح لقلبي مخاوي ........ مثل الرفيق اللي عن الدرب ماحاد
اسير قلبي في همومـه شقـاوي ........ كنه سجينٍ سيق للمـوت منقـاد

لاعاد له ضحكٍ ولا له شقـاوي ........ ولا له مع العالم تباشير واعيـاد
بين الظلوع يجر صوته خـلاوي ...... يغني جروحه شقى .. هم واسهاد




و
@جاهله@