مجاراة قصيدة راشد بن الذيب

قالها إبن الذيب=
قالها إبن الذيب من هاجوس باله=كلمةٍ يلعب بها والبال زيني
قالها يومه طراله ما طراله=من هواجيسٍ تشيب لمرضعيني
غرّني بعض الرجال بكثر ماله=مادرى إن الموت في حبل الوتيني
كيف ينفعني وبعض الناس خاله=ما يدوم البيت كان الساس طيني
ماش وين اللي عوايده الشكاله=مثل إبن ظافر حمد ليته يجيني
الثنا والجود دايم في خياله=علّمه ظافر سلوم الطيّبيني
جوّد العليا ولزّمها عياله=وأدركوا من علمته دنيا وديني
واهني من باع حظّه وإشتراله=سار في درب النبي وأخزا اللعيني
موقفه ما كل رجّالٍ يناله=ومن بغا ممشاه يقعد مرّتيني
وكم ذبح من حايلٍ من حر ماله=وعادته لطمة خشوم العايليني
حالفٍ ماخذ على الطرقي رياله=وبالثلاث محرّم إنها ما تجيني
لا لقيت اللي على السكّه لحاله=يلتفت ويقول : وين المستحيني
أوقف الموتر حيا وأبغا الجماله=يوم ولد اللاش وجهه ما يليني
والطمع في كرّوة الرجلي رذاله=خصّ به وإن جا مجال الغانميني
والردي في حالةٍ ماهيب حاله=يا عوينه من كلام الطيّبيني
الولد وإن طاب قالوا : من خواله=بالخوال يسال قبل الوالديني
وأركبه لعيون من زينٍ دلاله=ما تحاكوا في قفاه الرامسيني
ما بغى غيري وأنا مابغا بداله=قاعدٍ لي بالرجا مدّة سنيني
ما قعدنا فالعمل نبغا الرزاله=ناخذ العليا طريق الفايزيني
وأشرب الفنجال وأكب البياله=تابعٍ سلمي سلوم الأوليني
راشد بن الذيب=
طاروق الجزالة=
انشد ابن الذيب طاروق الجزالة =الذي صاغه على البحر الهجيني
شاعراً شعره تميز بالاصالة=من فطاحلة القصيد المبدعيني
من شريفين الفصيلة والسلالة=داعي العجمان سقم المعتديني
اجودياً له مع الاجواد قالة=ماقفه وافي ومنطوقه سميني
اتصف بالطيب وعلوم الرجالة=مطلق الكفين ضحاك الجبيني
حافظاً حق الاخوة والزمالة=فزعة الملهوف وسرور الحزيني
طيب الرفقة وتشهد له فعاله=والرجال اثنوا على ساطي اليميني
يوم حرك موتره ميل عقاله =متجه وبجمسه العبارتيني
موتراً شاريه من وسط الوكالة=مشتريه ابكاش والموتر ثميني
اتجه به* خط يامكثر تلاله =الطريق اللي يهول السايقيني
وتعرض له يمين الخط خالة =في يمين الخط تشر باليديني
قالت اوصلني معك والامر ماله=غير شخصك يازبون الخايفيني
غنمي ويياي ياراعي،الصمالة =ودي آوديه سوق المشتريني
قال ياخالة لون فيها استحالة=ابشري وامرك على راسي وعيني
لوتبين الشارقة ولا صلالة=او يكون إنه* بلاد الرافديني
غير بالله يم* نوار وهلالة =علميني وين ودك علميني
والله لا اوصلك والدعوى سهالة =موتري سعد الضعون الراحليني
والمدير الـيوم لو زاد انفعاله =والجهات اللي بالاجر اموظفيني
احمد الله واشكره في كل حالة=والوفاء وقت الشدايد يحتميني
وبتمام القول وبليا اطالة=اسمحوا لي يالقروم ابكلمتيني
يبشر الرجال لا صارو عياله=كلبوهم مومنين اموحديني
رافضين السير في درب الضلالة=ولعظيم الشان دايم طايعيني
كل واحد منهم تنومس خصاله=وبتقاليد العرب متمسكيني
وياصلاة الله على المختار وآله=والصحابة كلهم والتابعيني
جندب المالكي=