قرموش

بسم الله الرحمن الرحيم
انتقل الى رحمة الله محمد بن احمد بن سويعد في يوم الاثنين 23/8عام 1442من الهجره تغمده الله بواسع رحمته وأن يلهم أهله وذويه الصبر والسلوان.


ياله العرش ياخالق الكون
الرحيب.
رازق الحيتان في غبة امواج
البحور.
يارحيم ارحم محمد فلاغيرك
مجيب.
واغفر ذنوبه رجوناك يالرب
الغفور.
وان تثبت مدخله فانت من الداعي
قريب.
وانك اجعل حفرته كلها جنه
ونور.
يالله انك عوضه فانت رحمن
رقيب.
تدخله في جنتك حوله انهار
وحور.
واجبر اهله يالهي وعوضهم
بطيب.
يالله ان تحسن عزاهم بعدشوف
القبور.
كان مضرب للكرم والشجاعه
مايخيب.
كان مثل النمر والنمر من ذيك
النمور.
والخلف في اولاده اللي لهم مركز
ودور.
بارك الله في ذراهم وهم من نسل
طيب.
حزنت كل القرى واظلمت كل
القصور.
فاقده من كان يفزع في اليوم
العصيب.
والحزن خيم علينا ويتبعنا
شهور.
اذرفي ياعين عبرات من بعد
النحيب.
ابكي اللي كان بين القبيله له
عبور.
يادموع العين هلي وجودي
بالسكيب.
رمدت دنياي واشعر بطعنات
الشعور.
من بعد بواحمد الجرح ماظني
يطيب.
كان له ميزات من بين جمعات
الحضور.
كان يتونس معانا وسط ذيك
الشعيب.
كم تعب كم كان يصبر على جور
الدهور.
كان يتحمل حمول الجمل لوهو
صويب.
كان يعطي المال للمستحق وقت
السحور.
فاقدين الذرب والقرم والرجل
النجيب.
ربنا صبر هله واحمهم من كل
جور.
وان تعوضهم وتجعل لهم صبر
حسيب
موتته فيها خساره لنا ولها
عثور
والقبيله فاقده كفو في الشده
مهيب.
كنت ياقرموش تدخل على الناس
السرور.
كنت وافي في زمانك على خصمك
رهيب.
ياخسارتنا لمن كان مع ربعه
غيور.
من تعزوابه لقي فزعته ر تبة
نقيب.
سامحه رب السماوات غفار
شكور.
رحمة الله واسعه جعل له فيها
نصيب.
ابن عمي غاب عني وفي جسمي
فتور.
اذكره لاقال بالصوت صالح
بوغريب.
زاد حزني يوم شفت الموائدفي
القدور.
وازملاه اتوا معزين والموقف
صعيب.