فوق هام السحب ( الشعر الشعبي) على متن القوافي

الشدايد ياجميله بالازمات اختبار
ينعرف فيها الضلال الطويل من القصير

كل ماذكر حالتك بين غار وبين نار
راحت الدنيا بعيني عبوسٍ قمطرير

تحسبن حبك محاه التشددوالحصار
التشدد في المحبه هوالشرالشرير

شغلهم ضدي وضدك يعمرلك وقار
في ضميرٍ ماسكن فيه قدامك عشير

زارعٍ لك بخشةٍ من الزرار الى الزرار
نبتهاملمسك والعودالازرق والعبير

شدحيلك لايصيبك فشل وإلاإنهيار
لاتصغرقيمتك وانـت في عيني كبير

لذة صبارالهوامل لذة الانتصار
لاتصدق من يقول الحسدمافيه خير

لاتغيرب ماجرامن قنامثلك يغار
كل شي ينشفافيه ميصاله عسير

الذهب دونه حراسه وبيباٍنن كبار
والدرر من دونها هيبة البحر الغزير

غير لاتيّس و تكتب على نفسـك قرار
يدفعك سوءالتصرف على بئس المصير

لولا شحي فيك جيتك أجاهر من نهار
غيرمايصلح مقام بلاراي بصير

فرصتي ويقت حرارٍعلى ماكرحرار
مايعودفالمحل الربيب إلاالبـعير

والله ان اموت ماجـاك من عندي بوار
خل في قلبك ثقة والثقه كنزالضمير

خذكلام اللي يشوفك بعين الاعتبار
واحدٍمالك بقلبه ولاعقله خشير

والمحبه مدرسة شي ثبوت وشي فرار
وانت درسي مع هل الحب الاول والاخير


الاسطورة
... سعد ابن جدلان .......

صباحكم خزامى

رح صافح الغيم :



صفّق بموجك / لموجك يزدهر دربه
لملم شتات البواخر / شتت اللّمة


رح صافح الغيم خلّ الشمس تفخر به
واضحك يسيل المطر ولهان من فمّه


قدامك الطفلة اللي تقهر الغربة
ولو البشر ضدّها ماهي بمهتمّة


لاشافت أن الحمام يطير في سربه
تفرد يديها عشان تطير وتضمّه




"العنود عبدالله"

و
@جاهله@

مُمطره هذي السّما:







مُمطره هذي السّما

.... مثل المواعيد الجميله

يالله نركض ف المدى المبلول

ونعدّ ال .. مطر

.... قطرة : قطرة

وماعلينا

لو دخل فينا البراد .. ولو تعبنا

... التعب :

بيصير راحه .. لا بغينا ..!

ياصباحات البلل .. والعشق

واغاني الحنين

اللي هوينا :

إرشفينا قطرتين مْنَ المطر

ومْنَ الشعر

إييه إرتوينا !

من بعد عمْر الجفاف اللي كبر بشعورنا

و من بعد ماذبْلَت اغصان الفرح بصدورنا

أمطرت هذي السما

... مثل المواعيد الجميله

يالله نِركض ف المدى المبلول

ونعدّ ال .. مطر !

"العنود عبدالله"

و
@جاهله@

قصيدة يا عين الشقا



اليوم يا عين الشقا ليش تبكين
يبكي الحزين وعبرته وش تفيده

والله ما ألومك لو بقيتي تهلين
دمعً يداوي الحزن ولا يزيده

هذا القضاء والقدر ما فيه تظنين
يطوي من التاريخ صفحه جديدة

صفحة شرف هزت قلوب الملايين
توجد بها كل الصفات الحميدة

صفحة شرف حنا لها مستحقين
تبقى لنا والله فعل ما يريده

راضين بأمر مكون الكون راضين
حيث أنه المالك وحنا عبيده

كم راحلً من بين قومن مقيمين
ومع دورة الأيام شدوا شديدة

هذا الصحيح أنا على الدرب ماشين
ولا وكاد أنا فقدنا فقيده

شخصية تعرف على العسر واللين
سجل لها الماضي مواقف عديدة

في صالح الدنيا وفي صالح الدين
ونفس تموت بمثل هذا شهيدة

وأبو زيد حبه في قلوب المحبين
بقلوب كل الناس ضخمً رصيده .

الشاعر ... رشيد الزلامي رحمه الله

من بادي الوقت هذا طبع الايامي
عذبات الايام ما تمدي لياليها
حلو الليالي توارى مثل الاحلامي
مخطور عني عجاج الوقت يخفيها
أسري مع الهاجس اللي ما بعد نامي
وأصوّر الماضي لنفسي وأسليها
أخالف العمر أراجع سالف أعوامي
وأنوخ ركاب فكري عند داعيها
تدفا على جال ضوّه بارد عظامي
والماء يسوق بمعاليقي و يرويها
إلى صفى لك زمانك علّ يا ظامي
اشرب قبل لا يحوس الطين صافيها
الوقت لو زان لك يا صاح ما دامي
يا سرع ما تعترض دربك بلاويها
حتى وليفك و لو هيّم بك هيامي
صيّور الأيّام تجنح به عواديها

الامير الشاعر ...خالد الفيصل

صباح الخيرات



جيتك أدوّر وجهي :


جيتك أدوّر وجهي اللي ضاع ف زحام العمر

........ للحين في بالك يمر ؟

دمعي .. شُحوبي .. بسمتي

تلويحة الحزن ف عيوني

والسهر !

يا عابر بين الضلوع الذابله : ماشفتني ؟

أنا لي عُمُر .. ما اشوفني !

ما اشوف غير عيونهم

... تبكي علي .. وتحوفني

مااشوف غير سنين عمري اللي نطرتني : تطوفني !

وجيتك أدور وجهي اللي ضاع

ف زحام العمر

.... للحين في بالك يمر ؟



"العنود عبدالله"

ود
@جاهله@

بستفزك :


بستفزك بالغياب وبالعتاب = لين أشوفك في جنون وفي ظنون
راح أعذّب خافقك والله عذاب = راح أخلّي عيشتك هم وشجون

ومن أشوف إحساسك المغرور ذاب = بعتذرلك وأرجع الخل الحنون
المصيبه لك غلا فوق السحاب = واللي أدهى إنته عندي ماتهون


ولو على إيدك يموّتني الغياب = راح أردد هو غرامي وهو يمون
هو حبيبي مهما كان ومهما غاب = هو نصيبي لو يصون ولو يخون


أدري هجره يفقد العقل الصواب = وأدري غدره يشعل الخافق جنون
ياحبيبي فدوتك كل الشباب = ببقى أحبك لو تكون اللي تكون


عش حياتك بالسعاده لاتهاب = دام حبك ساكن(ن) وسط العيون
إيه أحبك ، لا سؤال ولا جواب = إيه أحبك والخلايق يعرفون


حبك أكبر من عدد رمل التراب = حبك أطهر من ندى فوق الغصون
لو أبوصف لهفتي لك في كتاب = ضاع وصفي بين ياء وبين نون


ياسمين العمر من دونك سراب = والحياة بدونك أشبه بالسجون
وين أبرحل والمدى دونك ضباب = وين أبرحل والمدى كله سكون


لايغرك هالغياب وهالعتاب = ولايعاني خافقك هم وشجون
بس أنا حبيت من هذا العذاب = إني أشوفك في جنون وفي ظنون


"أحمد العلوي"

ود
@جاهله@

محروم :


يسعد مسا شخصن له القلب ولهان= زلزل غيابه خافقي من محانيه
لامن ذكرته ثاربي الشوق بركان= والهم شيّد في ضلوعي مبانيه


عايش حياتي بين لوعه وهجران= حتى خفوقي ضاعت أحلى أمانيه
من غاب عني عشت ياناس حرمان= محروم من عطفه وطيبة معانيه


محروم عايش بين آهات و أشجان =والشوق جرحن من غيابه أعانيه
وين الحبيب اللي سكن قلبي مابان =مسكين قلبي بالوصل دوم أمنّيه


بعّثر غيابه والجفا خافق إنسان= أبحر على مركب وفا من موانيه
شتّان بينه وبين هالناس شتّان =وافي ولكن للأسف ش اللي يجنيه؟


مرهق خفوقي من تجافيه..حيران= ودايما على طاريه فكري أعنّيه
له في خيالي بيت وأزهار وأغصان =عيّا الزمن يمحيه من فكري ويفنيه


وشلون من يزرع غلا يحصد أحزان؟ =معقول حبي صار ماعاد يعنيه
ليته يحس الشوق لاصار نيران =ياليت جرّب ثانيه من ثوانيه


ماكان جافاني دقيقه ولا كان =جرّب فراقي أو غيابي يدانيه
شفت بغيابه ويل أشكال وألوان =والهم حاصرني من إهناك وهنيه


لاقلت أنا تعبان..بلعون تعبان =والقلب متعب من وفاه وتفانيه
ملعون وقتن الوفي فيه خسران =قاصيه كاذب حاله من حال دانيه


وقتن تعلّى فيه زيفن وبهتان =حتى الألم ملّ الألم في أغانيه
يامنيتي في وقت مافيه إحسان =ضاع الخفوق اللي يحبك وأمانيه


المشكله بالحيل لك صار ولهان =وهجرك تمادى لين زعزع مبانيه
الشوق فيني ثار ثوّرات بركان =والهم زلزل خافقي من محانيه




"أحمد العلوي"

و
@جاهله@

يامعشر اللي على ضو القمر ساهرين
مامرّكم عود موزٍ في علوّه ثمر

الحب مثل العباده و أنفس المؤمنين
أشرّها مانفر وآخيرها ما أستمر

ياليت روحي على روحك تذوب وتلين
وأنا اتكوّن سحابه وأنهمر وأنهمر

وأمر جيدك وسلسالك وأمر الثنين
اللي يمين الممر واللي يسار الممر

قطعة حلاوة على هيئة فناجيل صين
امذوبتهن حرارة شوق مدري جمر

بقى من اللي خذيته قلب بين اصبعين
وان قلت هاته من عيوني وتامر امر

وان قلت لي موقعي من عالم الحسن وين
بعد الثلاثين كان الله عطاني عمر

اقول مزيون وأشباهك ماهيب أربعين
أشباهك اثنين يا اما شمس والا قمر

يكفي بأنك ظبي ياخذ من الصقر عين
ومن الذلول العمانيه هيام وضمر

ومعنقك شبر فوق متونك وقفلتين
و يديك منجم ذهب و شفاك حانة خمر

مدري وش اللي خذا الله منك وأعطاك زين
ما لا عطا فارعات الطول بيض وسمر

ماشفت هالوردتين وشفت هالجمرتين
لهن ثلاثين عام ولايزالن حمر



مدغم ابو شيبه

صباحكم جنه



شمس الحقيقه :




قال الذي حده زمانه على الضيق =ويلاه من دنيا غشاني خطرها
تأخذني الدنيا على غير ماطيق= وضيم الليال السود حالي دمرها


حلّق بي الحرمان والهم تحليق= الى أرتفع نجمي يطيح أبحرها
مدري تعاسة حظ والا توافيق =والا عيوني خان فيها نظرها


عندي تساوى الوقت مافيه تفريق= وأيام عمري قام يسقط ثمرها
طّوقني الحرمان بالخوف تطويق =وأضحك وأنا روحي تموت بقهرها


كثر التوّجد يحرق القلب تحّريق =غبنه على من زاد عينه سهرها
تسابقن مثل الرماح المزاريق =بيدين عدوانٍ تزايد سطرها


وجد اليتيم اللي جفوة المخاليق =وياويل حالي كان هذا قدرها
لا الوقت وقتي والزمن يبّس الريق= ووجز بشرح السالفة وأختصرها


همً بقلبي فوق هم المشافيق =أحرق خفوقي والمشاعر دمرها
عزمي وأعرفه فوق كيد المطافيق =وأن ماكسبت الغانمة ماخسرها


تلعب بي أقداري جنوباً وتشريق= وأشملت لديار الشمال آخبرها
مريتها حافي قدم دون تعويق =حتى حداني بردها عن سمرها


ماجيت أدوّر للحقايق مواثيق= ولاجيت أعّري زيفها وأحتقرها
جيت بشموخ الطيبين المطاليق= اللي مطاليق اللحى تعتبرها


شمس الحقيقة كنها النور توثيق =اليا أشرقت غاب الظلام بسفرها
ماهمني من لفق الكذب تلفيق= تبطي أعلومه ماتبّين ثمرها


والشجرة اللي شامخة تشبة طويق= لاضاق وقته جالها ويخبرها
يحداني الهاجس عسير الطواريق= لو الهقاوي مابدت لي صّورها


لو أحسبوني من حساب العشاشيق =عمر الموده ماشكت من أسرها
مايجتمع قلبين بين المخاليق= الا وحديهن روحه اللي سحرها


أنا هنايه مايجي بالتشافيق =قصة غريبه ماتكّذب خبرها
وقعت فيها غصب من دون تبريق =وأضفت علّي أترابها في حفرها
أن صحت مابه صوت وأزريت لاويق= ومن شاف له صوره تعيسه ذكرها...



"منصور الرويلي"

و
@جاهله@