من أجمل قصــــائــد المدح في شـ م ــر من أجمل االابيات من قصائد المدح من الأجناب في قبيلتي ( شمّر )

من أجمل قصــــائــد المدح في شـمــر




من أجمل الابيات من قصائد المدح من الأجناب في قبيلتي ( شمّر )
من قديم الوقت إلى يومنا هذا ..

قال الامير سعود بن محمد آل سعود ..
العصر ودّعنـــــا مطـار الطيّبــــــين
(شمّر ) معطـرة الجـن بسيـوفهـا
اللي تزيل الحزن عن قلب الحـزين
لو صفّقــت شقــــــر البنـي بكفوفهـا
تغشاكم البيضا على طول السنين
يامكــــــــــــــرمـة جيرانهـا وضيـــوفـهـا

قال الشيخ سعدون العواجي شيخ عموم قبيلة ولد سليمان من عنزه :
صاحو عليهم صيحةٍ تقعد الميت
(شمّر) هل الردّات يوم الزحامي

قال شاعر قبيلة السهول فواز السهلي يتوجد على إبنه بداح :
ياليتني (شمّري) يا إبداح
واصير انا من هل الطـــيب
خويّهـــم دايـم ٍ مرتـــــــــاح
ومحشوم عن كلمة العيب

قال الشيخ طلال بن هذال شيخ مشايخ قبيلة عنزه :
عشرين من روس الغنم إذبحتلي
(شمر) هل الطولات كل ٍ شكرها

قال الأمير عبدالمحسن الهذيلي التميمي أحد أمراء قبائل بني تميم :
اللي حموا نجــد بالسيـوف الصقايـل
( شمر ) هل الطولات واهل الصنيعي

قال أحد شعراء قبيلة بني هاجر ( للاسف لا يحضرني اسمه ) :
لو قالوا رسول يبعث قلت من (شمّر )
لكن ، آمنت بالله مابعد محمد رسـول
قال الشاعر الكبير فهد الفويه السبيعي من قبيلة سبيع :
ياويل من داسته ( شمر ) برجليه
واستدارت عليه بقاسي القاعي

قال الشاعر عبدالله بن حفّول اليامي :
هـي لابـة ٍ حربهـا ذاق الاتــــــــــلاف
( شمّر ) على روس المناوي يدوسون

قال شاعر نجد محمد العوني :
والله لولا (شمر) فلا يوجد الطيب
ولا للحميه بالرجــــــــــــال مـــدار

قال شاعر عتيبة مخلد القثامي العتيبي :
يالايمي صادوك صبيان (شمر)
وجونا بعلمك سابقين النكيفي
اللّي خذوا نجد بالسيف الأبتر
من البصره إليا حد القطيفي

قال شاعر الكويت عبدالله الفرج من قصيده طويله :
(شمر ) سناعيـس يبيـدون الحشـود
حسبهـم يامـا يضـــــــــدّون الضديـد
يرهبونـك كالضــــــــــــواري والفهـود
الطنــــايا ماعليهـم مـن مـــــــزيـد

قالت الشاعر وضحى العريفية الظفيريه من قبيلة الظفير :
تنصون (شمر) فوق قحصن عريباه
بأيمانهم شلف ٍٍ خشومـه حـدادي

وقالت إحدى شاعرات قبيلة الدواسر :
ياليتني شمــريه واسكـن بحايـل
ليـت ربــي ماخلقـنـي دوسريـه
شمـر هـي شمـر رجـال القبايـل
طير شلوى من أعتزى بالشمريه

وقالت إحدى شاعرات قبيلة حرب :
ياليت (شمر) هل ٍ لّي
دخيلهم مايضامـــا
رصاصهم مستصلّي
يكسر صليب العظاما

وقال الحربي من قصيده طويله :
(شمر) مطيّرت الشعاف الطنايا
فيهم على كل المخاليق نوف
اهل دلال ٍ مكــــرمات ملايــا
مهم جلوس وصبهم له وقوف

قال الشاعر غالي الذايدي العنزي :
من عصر حاتم لهم بالمجد عنوان
( شمر ) خيار القوم واهل العطايا

قال الشاعر شبيب بن راشد المطيري :

( شمر ) طنايا مطوعة كل عايل
عوق الخصيم اللي براسه زعانيف
على النقا وظهـــــــور قب الأصايل
ركبوا عليهن مرويّة شذرات السيف

قال الشاعر سلطان بن حمّاد السهلي :
ذولاك (الطنايا) عـــــريبين الأجــداد
فكّاكة التالـــــي نهــــار الدبيلـــه
شمـر هل الطولات مسامير الاكباد
وساع الطعون هل الحمول الثقيله

قال الشاعر ناصر بن حطاب الدهمشي :

ذياب (شمر) إليا امتطوا صهوة الخيل
كل ضلع ٍ يروقونه من الخوف زمّــــر
أهل القنا أهل الكرم فرّس الخيل
مثل النخل في جرهد القيـض تمَّــــر

قال تركي المورقي العتيبي :
شمـر هـل الطـولات وابليـس ملـعـون
والشـاهـد الله والعـبـي يــا حمـامـه
يـوم الكـرم فـيـه القبـايـل يـمـارون
(شمر ) هــم ملـوكـه وذروة سنـامـة
قـوم ٍ لهـم بالمجـد اساسـات وركــون
مـن خلقـت الدنـيـا لـيـوم القيـامـة

قال الشاعر مطلق النومسي :
شمر لو إني ما اعرف مسكنها
من صيتها والله لأقول : ( شمر دولــه )

قال الشاعر مبارك بن ضرباح العازمي :
( عيال الطنايا ) هل العرف والاحسـان
رجال ٍ ذكرها بالجـود والنومـاس يكفيهـا
هل الفعل الكبير اللي لهم بين القبايل شـان
رجال ٍ لا اعتزوا دايم تعزوا فـي عزاويهـا
هل الخيل الأصيله باللقا يشهد لها الميـدان
ريف الضيف واهل السيف وأصل الكرم فيها

سلمت الانامل على الطرح الرائع
لا عدمنا جمال قلمك
لك خالص شكري وتقديري
ودي لك

شبح الشمال
قبيلتك العريقة شمر تستاهل المديح
مشكور على النقل والاختيار
تقبل مني اجمل تحية

المشاركة الأصلية كتبت بواسطة روح الجروح

سلمت الانامل على الطرح الرائع
لا عدمنا جمال قلمك
لك خالص شكري وتقديري
ودي لك

اختنا روح الجروح تسلمين على المرور لاعدمناك

تقبلى شكرى وتقديرى لشخصك

المشاركة الأصلية كتبت بواسطة الحمدان

شبح الشمال
قبيلتك العريقة شمر تستاهل المديح
مشكور على النقل والاختيار
تقبل مني اجمل تحية

ماعليكم زود كل القبائل فيها وعنها مثل

شمر وزود على شمر

تقبل شكرى وتقديرى

تستأهل قبيلة شمر العريقة والعزيزة
على قلوبنا المدح والثناء
اختيار موفق ياشبح الشمال
لاعدمناك

تسلم مديرنا المتألق ابو حوفان

كلمات في غاية الروعه والجمال

دائما نجدك مبدع في كتاباتك

تسلم غالينا وسلم نبض قلمك

دمتي بود حفظك الله

السلام عليكم

شبح الشمال

والنعم والسبع أنعام
بشمر وربعها -

قال الشاعر -ناصر القحطاني - عن شمر :



_شمر-

الشمس غابت وكل دور سراجه=والشوق جمر ما احر الشوق لا جمر
دم اتجاهك شمال مودعك حاجه = سلم على حايل وسلم على شمر
قدامك الخافق اللي ينشد علاجه = كنه معلق على برزان ومسمر
وانت تعرف يا بعد حيي من تواجه = بيضان الافعال لا من الزمن سمر
ان ضاقوا اعنف من البحر ومن امواجه=وان راقوا اركد من الخرمان لا عمر
كم صيت بيت عتق في الباب مزلاجه= وكم شيخ امارة قبل تعينه مؤمر
وكم حاتمي تكفي فلة حجاجه= وشلون للضيف لو عن ساعده شمر
وان مر تاريخهم متلبس تاجه = كم عاشق كيٍف وكم حاسد زمر
في جوٍ اغلى على الرجلي الى داجه= من ديرة السادس ومن ديرة معمر
كنه الى اهدي له البراق ثجاجه =طلة غريرضحك ومن الخجل حمر
توارثوا حرثه وتمتير ديباجه= ركابة الجيب من ركابة الضمر
الود لا غرس بدري صعب مخراجه= والله ولا الذ واحلى منه لا ثمر
ادخل على الي تطوف البيت حجاجه= من ناقص عند مدح الغير يتذمر
والمدح لو كان في الرديان للصاجه=ويقال " عمر بلد " بالعون ما عمر
والذم لو زاد في الطيب تولاجه= لا احرق ولا اغرق ولا عمر ولا دمر
مانيب متحسف بشعري على حاجه = الا اني اروح ماغنيت في شمر





تقديري
@جاهله@

صح السان الشاعر ناصر القحطاني
على الآبيات وكل القبائل مثل شمر وأكثر
يعطيك العافيه على الطرح وسمحى لى انا
اكتب من الجوال اذا عثرتى على أخطاء عدليها
تقبلى شكرى وتقديرى

المشاركة الأصلية كتبت بواسطة شبح الشمال

صح السان الشاعر ناصر القحطاني
على الآبيات وكل القبائل مثل شمر وأكثر
يعطيك العافيه على الطرح وسمحى لى انا
اكتب من الجوال اذا عثرتى على أخطاء عدليها
تقبلى شكرى وتقديرى

مساك الله بالخيرات

تقديري لردك الراقي
ولا أعتقد بإن هناك أي
أخطاء منك -يمكن أن
أعدلها- مايجي منكم إلا
كل طيب ياأهل الطيّب-

ود
لاهنت
@جاهله@