اخترنا لكم

‏نمسي علـى حالٍ ونصبح على حال
يومًا لنا واليوم الآخر علينا

يومًا سلى الخاطر ويومًا غثا بال
طبع الزمان وحكمة الله فينا

.....

ياللي تشّكا على المليان والفاضي
لا توصف المر دامك جاهلٍ طعمه

مادمت مبعد عن الدكتور والقاضي
تراك من فضل ربي عايش بنعمه

.....

‏تغانم الشوق دام القلب تحت امرك
مشاعري فيك ماتشبع إذا جاعت

لا دار وقتك وطوّل ربي بعمرك
عرفت وش قيمة الفرصه ليا ضاعت

.....

‏لاعاد تشكي علي من جرحك الدامي
‏واحلامك اللي عجاج الوقت دافنها

‏شفني لازلت ابتسم واجدد أحلامي
‏مع انّها ماتحقق واحد منها

‏جابر النشيرا

سقا الله ذيك الأيام وياحلو ذكراها
ايام عمري مضت حاسبها ومحصيها

سنين حفظتها لجل ارجع اقراها
ذكرى مكان وزمان وناس اغليها

.....

انا ادري ان الليال السود خداعه
شفني من مرافق الرديان متخلص

بعض العلاقات كنّها غاز ولاعه
ان طولت ست خمس ايام وتخلص

.....

‏حافظ على اللي خوته تشرح البال
‏الصاحب اللي يعتزي لا نخيته

‏يفزع بما عنده من الحال والمال
‏وإذا أظلمت دنياك جنبك لقيته

.....

‏يارب فرجها على ضايق الحال
اللي همومه في خفوقه دفينه

سهل اموره يا إلهي والاحوال
واملا حياته بالفرح والسكينه

يارب لاتبلي عبادك بالاحمال
ولاتجعل الدنيا لعبدك تهينه

واعطية ياربي من الرزق والمال
وارفق بعبدك في حياته وعينه

.....

لاضاق صدرك وانطوى داخلك هم
وحسيت في دقات قلبك سريعة

وقامت عليك امواج شره تلاطم
وضاقت عليك من الفجوج الوسيعة

ترى البشر ما تنفعك لو تقدمٌ
مهما تقدم ما تزول الفجيعة

ابنصحك مادام تسمع وتفهمّ
ان كان شوري يا رفيقي تطيعة

حاول تقوم بدلجة الليل الاظلم
بالثلث الآخر والخلايق هجيعة

واستقبل القبلة ولا راح تندم
وارفع يدك رحمه وخوف وخشيعة

بسم الولي كبّر وبسم الولي سمّ
واقرا من القرآن ما تستطيعة

اركع وسبح للإله المعظم
وخل الدعاء لك في سجودك ذريعة

ناج الذي في كل الاحوال يعلم
حتى دبيب النمل في وسط ريعة

اللي منجي نوح من غبة اليمّ
جل جلاله ذو الصفات الرفيعة

هذي نصيحة والزم لعلمي الزمّ
في وقتها بتحس راحه وسيعة

.....

جزى الله عنَّا الموت خيرًا فإنه
أبرُّ بنا من كُلِّ بَرٍّ وأرأفُ

يُعجِّلُ تخليص النُّفوس من الأذى
ويُدني من الدار التي هي أشرَفُ

.....