اخترنا لكم

‏الوقت لو غيــر مفاهيم وطبوع
‏أبقى الذي ما غيـر الوقت طبعه

‏يوم الليالي جفوة أحباب وربوع
‏ما بار بأحبابـه ولا خـان ربـعه

‏ياللي تشوف العمر تابع ومتبوع
‏أنا أشوف العمر موقف وسمعه

.....

‏ودي أكمّل معك حتى الحياة البرزخية
‏وين تلقى عاشقٍ يبغاك حتى في مماته

‏من يشوفك يدري إن الموت حاجة عايديه
‏كل ليلة في طوارف مبسمك يعلن وفاته

‏هات فنجال الهوى بإيدك وحطه في يديّه
‏لو تصبّ الموت في فنجال حبّك قلت هاته

.....

‏ان كنت تجهلني فأخذ مني التعريف
‏أنا درب ما تقدر بوجهين تسلكني

‏أنا أكبر من التلميع والبهرجه والزيف
‏لا غبْت أنفقد وإن جيت ربي مجملني

.....

‏تساوى قلوب الناس في الحب عبد وشيخ
‏ويبيع العنيد اخر هقاويه بالطاعه
‏ㅤ
‏ياعين اشقرً ماهو بوكري ولا تفريخ
‏يزيدون سعره غير راعيه ما باعه
‏ㅤ
‏بدونك تمر ايام عمري بلا تاريخ
‏ومعك حافظ التاريخ باليوم والساعه

.....

‏روحها من خِفّها لاهبّت النسمة تطير
‏وفكرها علّق على متن الشموخ خصالها

‏واضحة تسكب رذاذ العطر بأنفاس العبير
‏غامضة من ثقلها يحتار فيها ظلالها

‏يغرق أجزل بحر شعر فـبحر عفّتها الغزير
‏كل ماينبض خجلها يرتعش سلسالها

‏بنت شعر وأم طهر وأخت للبدر المنير
‏فاتنة تجلس على عرش الكمال لحالها

.....

‏غديرٍ عليه الناس صادر وورّادي
‏أعيفه لو إنّه من زلال المطر يسقى
‏ㅤ
‏أنا غايتي ومناي ودواي ومرادي
‏مذاقٍ على غيري صعيبٍ ولا يلقى

.....

‏فيك من لطف الفقير وفيك طبع الأمارة
‏يا الهنوف اللي يعزز زينها قوة نسبها

‏الجمال اللي جمع بين البداوة والحضارة
‏صبه الله والله اللي في مفاتنها وهبها

‏العيون تشن غارة والرموش تشن غارة
‏وان تفاديت العيون الموت من طعنت هدبها

.....

‏حبيبي ترا بيني وبينك عتاب أحباب
‏ولولا غلا حضرتك والله ما أعاتبها

‏من الشوق والغيرة عليك أفقد الأعصاب
‏تراني دخيلك حالتي لا تعذبها

‏ لو أقول بزعل جد وأفارقك كذاب
‏انا أول مرة أضحي بروحي وأكذبها

‏ما لأحباب عيني قبل أشوفك حصر وحساب
‏لكن بعد ما شافتك عافت حبايبها

.....

يالله رجيتك في نهار الجمعة
‏تغفـر خطايا عبـدك اللي يناديك

‏وعسى لنا في عالي الخلد جَمعة
‏هـذا رجــاي وأمـرها في أياديك

بقلمي

‏عفوي وأعامل عبــاد الله بعفوية
‏أطير فيهم واقلطهم صدر صدري

‏كم واحدٍ تحسبه ماشي على النية
‏وتلاحـــظ إنك على النية ولا تدري

.....