اخترنا لكم

‏دام المساء يجمع على الود غاليين
‏يسعد مساء نبض المشاعر والاحساس

‏ويسعد مساء من يسكن القلب والعين
‏ ويسعد مساء باقي المواليف والناس

.....

أكبر خطأ سرك للانذال تبديـه
وتصاحب الخائن قليل المـروه

وتسوي المعروف في غير راعيـه
وتجامل الغلطـان وتقـول خـوه

.....

أن جيت خل الكل يفرح بلقياك
محبـوب عنـد الناس ويـقـدرونك

وفي غيبتك خل الجميع يتحراك
مثل المطر كل البشـر يحترونك

.....

‏إحتـرامـك للبشـر طبـع الكـرام
والتـواصـل مـن أسـاليـب الـوفـا

يعشقـون النـاس فيك الإحتـرام
ويكرهـونـك لا حصل منك جفـا

.....

‏الخوه الي ماتعزك وترفعك
بعها بقايم سوقها ولا تمالي

والخوه اليي تحتمي لك وتمنعك
ارخص لها دمك ولو كان غاليي

.....

يحيّيك الخفوق اللي بيوتك في مداه كبار
حللت اهلاً بدارٍ تحسب إنها عنك مهجوره

سعد بن جدلان

على البال لك طاري ولك فالحشاشه بيت
على مستوى ماهوب مهجور و مهمّل

مطحس بن حمد

يا هدوء الليل عندي لك سؤال
ليش لا من جيت يزداد الحنين

تكثر الاشواق فوق الاحتمال
وتكثر اللهفه بشريان الوتين

رد لي ياليل لو عندك مجال
هالسؤال محيرن طول السنين

هل ظلام الليل عنوان الوصال
او سبب حكمه لرب العالمين

.....

أبخـتلي في وحـدتي وأتـرك الناس
يمكن أحصل في إبتعادي وجودي

وإذا غـزاني الهـم والضيـق والياس
ناجيت من يسمع دعاي بسجودي

.....

اتقهوى العز و الرأس مدهاله
في مدارات النجوم السماويه

والهروج الي من افواه جهاله
خلها تعطي طريق ابو حدريه

.....