سلام يشبه سموه في شموخ الجبال

سلام يشبه سموه في شموخ الجبال
الثابته ما تغير ها وجيه السنين

يعانق الغيم لا هبت هبوب الشمال
يحن للباديه مادام فيها حنين

يقبل النور كفه قبل وقت الزوال
يداعب الليل رمشه في هدوء الانين

في رقة الورد لامنه تمايل ومال
طيب الندى في صبابة عقدها اللي ثمين

سلام يأصل عريب الاصل جدً وخال
اللي لهم بالمواقف كل فعلاً مبين

ينصا لخالد مروض كايدات المحال
الفيصل اللي لحد الحد حدً سنين

ماهي غريبه لمن جنبه زحول الرجال
ابوه فيصل مع اخوانه اسود العرين

مرحوم يالحاكم العادل ومهما يقال
في حق فيصل قصرنا مانوفيه دين

أذهل حكومات بالحنكه وطيب الخصال
اثبت لهم قوة الإيمان ما بيننا بين

عبدالله الفيصل اللي فوق وصف الخيال
قايد وشاعر تجلا في صدور العناوين

من عهد جده تولى في الحجاز الثقال
يشهد بفعله صروح التربيه بالميادين

رحل وحبه لدينه والوطن ما يزال
ياعل روحه برحمة رب للعالمين

سعود حرً تعلا النايفات الطوال
في كل موقف يبين وقفة الصامدين

لأربع عقود مضت فيها شديد النزال
الله يجعل مكانه جنة الخلد ٠٠امين

يادايم السيف لك تاقف بيوت ًجزال
نقدر من الفخر بأفعالك نسطر دواوين

في الرياضه وفي التعليم واكبر مجال
يشهد لك الحكم والتاريخ نهلً معين

انشد عسير المهوله كيف صارت جمال
تخبرك عن خالد الفيصل وعظمً سمين

في طيبة الطاهره منكم يزيد الكمال
منها وفيها تجلا الصبح من فترتين

يا سيدي والشعر منكم يجيه أشتعال
اسرجت للقاف والمعنى بنورً مبين

إغرقت ظهر الورق من دمعه اللي مسأل
قامت تراقص مع الاريام لو كلمتين

الحور في المدح تكتب بالوفاء وابتهال
يحميك رب البشر ويزيد عمرك سنين

الشاعره .. حورية الزهراني