مقام الكفو هوّه والارواح مالوفه

بسم الله الرحمن الرحيم

السلام عليكم ورحمة الله وبركاته

بدون مقدماااات..

هبوب الصبا من هاجسي تطرق البيبان*****تزاور على فتره وهي حيل ملهوفه
صروح الغلا والعز والمجد والعرفان*****تسوق السحاب اللي ترى الخير بقنوفه
وتحمل تحايا شوق من شاعر ٍ طربان*****تحدّه صواديف الدهر فوقها ظروفه
وكنه مثيل الوسمي لاطب بالميدان*****تبسّم رمال القفر ويهزّها شوفه
تشوف الحيا يلعب وريح الهوى ريحان*****تنفس صباح الشعر من حالي حروفه
يهل الضمير الحي من ديرة الحرمان*****وتبكي فرح من شوقها عين مكفوفه
شكى غربة الانسان في عالم النسيان*****وردد على ذكرى خواليه معزوفه
وطيّر حمام البوح بالحان واشجان*****سلام القلوب اللي بالاشواق موصوفه
سلامي على شمران واللي لفا شمران*****سلام ٍ تسير ابه الركايب الى الكوفه
سلام ٍ مراسيله حروف ٍ تقول جمان*****تزيّن بها جيد ٍ وكل الحلا يحوفه
وكنه ذهب صافي ولايقدره ميزان*****ملايين باليورو وبالكاش مصروفه
وعدّادها شغال والضرب بالمليان*****تقل صوت رشاش ٍ قريباتٍ اهدوفه
وله رفعةٍ مثل العلم في جبل دخان*****نهار النشاما جزروا من نوى يطوفه
مهاجره من ديره لـ طرفه غدت اكفان*****وفيها انولد بالتوّ لاخيك مهذوفه
يطيّبْه من اثرب شذى من بلاد سنان*****وحلحال والحفيا الى راس مخطوفه
وذرّى ذراه من البلس مبلس العدوان*****عبق عبّقه من مسك الازمان وصدوفه
تخيّر بني عمٍ ٍ ولا تاه بالعنوان*****زحول الرجال اللي شفاها على شفوفه
سوا زان هذا الوقت ولاّ جديده شان*****مقام الكفو هوّه والارواح مالوفه
وشمران نعم القوم من سالف الازمان*****يقدِم لها التاريخ الامجاد بكفوفه
كرام الفعايل نارهم تهدي الضيفان*****عسى الله يقوي راعي البيت لضيوفه

صح لسانك اخوي الكايد

كلمات غايه في الجمال والروعه

وله رفعةٍ مثل العلم في جبل دخان***** نهار النشاما جزروا من نوى يطوفه

الله الله ,, عز الله انهم نشاما ,,, احسنت التشبيه

صح لسانك ملايين ياشاعرنا الجميل الكايد

قصيدة رائعة جدا وحياك الله من بلاد ال سنان العوامر وما علاك زود كفيت ووفيت

كلمات متماسكه وقوية تشكر عليها

تقبل اعجابي ومروري

ودمت بود

وعليكم السلام ورحمة الله وبركاته
اولا: الله يحييك يالغالي طولت الغيبه ولك وحشه افتقدنا هذا الابداع
لااسمح لك بعد هذا الحضور الغياب

الكايد
أبدعت لك جزيل الشكر , مثل ما قال صوت المنتدى لا نسمح بغيابك مرة أخرى لكي لا تحرمنا من هذا الإبداع 0
لك خالص التحية والتقدير ،،،،

لو ان القبايل كلها توزن بكفه***وشمران في كفه وحيده بتوزنها

الله يعزكم بالطاعة والعمل الصالح وبيض الله وجوهكم جميع

الساهري-دماوي حيل-صوت المنتدى-المطاعي

كل الشكر ياحباني وتقبلوا تحياتي

صح لسانك وبيض الله وجهك أخي الكايد
وماعليكم زود ياالعوامر وافين؛؛؛؛
وتقبل شكري وتقديري؛؛؛

وعليكم السلام ورحمة الله وبركاته

الكايد محبا بك مليون والله يحييك ويحيي عودتك الميمونه.
وصح الله لسانك على هذه الجميله والرائعة والتي تعودنا أن نجد مصدرها نبضك

تقبل تقديري وجزيل شكري ياغالي

حامد بن آل زلبه

صح الله بدنك وعشت ودمت يالغالي

أبوحامد..

نبضك الطيب ياراع الوفا والتمام****والله اني لمثلك اعتدل بالوقوف
اشكرك عد من صلى وزكى وصام****وعد من قابل الكعبه وجاها يطوف
انت واحد ولك بين القبيله مقام*****عني انك تساوي يابوحامد الوف