وصية من شاعر لابنه

الشاعر/محمد عبيد الزعيم الوابصي البلوي
الله يرحمه
(يوصي ابنه عبيد)

لاشفت دلون فيه .. فتقٍ .. وشقا
اعرف ترى الماء مايجي وافي فيه

‏ولاشفت حبل السانيه فيه دقا
اخذ الحذر من قبل تقطع مثانيه

ولا اوحيت جرح بالمعاليق لقا
اعرف ترى ماعاد ينفع تداويه

‏والجرح .. لامنك تركته .. تسقا
حم الحديد الصلب بالنار واكويه

والظلم .. لاونه لبس ثوب حقا
لابد مايخلع .. ثياب ~ تغطيه

‏ومن طق باب الناس بابه يطقا
فـي خيـر ولا شر ربه يجازيه

ماصابكم .. مااخطاك مهما توقا
وما اخطاك ما يصيبك ولو صاب راميه

‏وعن لازمن يلزمك حرصك تتقا
لاخير فـي رجل يخلي عوانيه

وفي عشرة الانذال حرصك تهقا
كم واحد بالنذل خابت هقاويه

‏وحرصك ورى المقفي تصيح وتنقا
من باعكم بالرخص .. بيعه بغاليه

ووسط المجالس .. لا تهرج وتلقا
أصمت ترى بالصمت ميزه لراعيه

‏وليا هرجت اهرج بلطف ورقا
وافصح لسانك لاتجي لكنتن فيه

انا انكر الاصوات صوت النهقا
وفم الرجل واحد وثنتين اذنيه

‏بعض العرب بالوزن مايزن اقا
لكن بفعل الطيب تندا أياديه

وبعض العرب دمه كما دم بقا
دمه ثقيل وباردات .. علابيه

‏وبعض العرب مثل الذهب له تشقا
اتعب على الطيب .. لياما تلاقيه

ياعبيد هذا .. واعرف الى تبقا
حق الجوار وضيفكم لاتخليه

‏هذا كلام ابوك .. قولن منقا
قولن قليل وزبدة الهرج تكفيه

لولاي ما اكتب بالقلم عل الورقا
واملي هواجس خاطري يوم تطريه

‏شب الحشا في داخالي واحترقا
لكن بيوت الشعر لاشب .. تطفيه

وصلاة ربي ..عد ماالنور شقا
على نبين تمم الله .. مساعيه

قمة الروعة

شـكــ وبارك الله فيك ـــرا لك ... لك مني أجمل تحية .

وصية رائعه لشاعر حكيم
رحمه الله رحمة واسعه وامواتنا واموات المسلمين
شكرا لك اخي الحمدان
على حسن الاختيار فبارك الله فيك

أخي شيهان شمران
اشكر لك مرورك الجميل وبارك الله فيك

أخي أبو حوفان
اشكر لك مرورك الجميل وبارك الله فيك

يعطيك العافيه
طرح اكثر من رائع وقيم
بشوق دائم لجديدك
تحياتي
اسيرة الاحزان

ألاخت الفاضلة أسيرة الاحزان
شكرا لك لمرورك
وفقك الله لكل خير وبارك فيك