قصيدة عطيه بن حمدان العامري ( مثل الخوف )

إخواني رواد منتدانا العامر
هاكم القصيدة التالية للشاعر /عطيه حمدان العامري (عشّاق ) ،القصيدة لها قصة وقالها أثناء ظروف حصلت له في فترة معينة وفيها تلهف وشوق وهي :

يا حمامٍ ناح واشقاني هديل ..

لا تذكرنـي بـمشـقيـني دلال ..

لا تذكرني بماضينا الجميـل ..

ماضي الحب الجميل بلا جدال

هو سرابٍ لا شراب و لا مقيل ..

ينعش الظامي ولو هو ما يطال

أو خيالٍ لاح و المسرى طويل ..

يسعد الساري ، ولو انّه خيال

يوم غيري يشرب المـا سلسبيل

ليه تسقيني من الهجر الزلال

وصلنا كيف اعتبرته مستحيل

و ابسط حقوق المحبين : الوصال

يا حبيبٍ ما هقيت انه يميــل

لين مال الحظ ، يوم الحظ مال

ملت عن حبي و ضيّعت السبيل

قصر حبٍ صار من صدّك رمال

كنت مثل الخوف بعيون الدخيل

ما لقا له من بني عمه رجال

مثل شيخٍ ضاق ، واحتاج لبخيل

ما يندي لو على موته ريال

إن بغيت ابكيك دمعي ما يسيل

و ان بغيت انساك نسيانك محال

و ان بغيت احب والقى لك بديل

ما لقيت لحسنك الطاغي بدال

هات قلبٍ من عنا الدنيا عليل

من قفص صدري خذيته باحتيال

يمكن احيا به لغيرك ، لو قليل

أو أصونه عنك ، عن ذل السؤال

شوفني ما خنت حبك ، والدليل ...

..

في رحاب الموت ، وافي ، لا أزال

دام عذرك ما ارتوى منه الغليل

وانتظاري ملني ، والصبر طال

جدّد افراحي او اتركني قتيل

لا تجاملني بكلمة في اتصال

قولها .. واوعدك لاشتال الثقيل

هو بقى لافراح لقيانا مجال

*****************

صح الله لسانه

وسلمت يمناك

ننتظر الجديد

قصيده رائعه
فصح لسان الشاعر / عطيه بن حمدان العامري

شكرا يابوراكان على هذ الطرح الجميل

صح لسانه قصيده رايعه
ولك الشكر على النقل ابوركان

صح الله لسانه

وسلمت يمناك

ننتظر الجديد

قصيده رائعه وصح الله لسان شاعرها

وتسلم يمينك على طرحها هنا

لاهنت

صحت ابدانكم جميع واشكرلكم مروركم العطر