القمَّه

القمَّه

قُمت ابغي القمَّه على خاطري وارهيـــت = إنِّي على قاع السهَل والبلاد إجبــــــــــــــال

وضربت كَبْد الارض حتَّى وصلْت وجيـت = وادليت غربي والروابع معي فالحــــــــــال

متزهّبه توحي لحسِّي ليا دعيــــــــــــــــت = صقله يجاهر لمْعَها السيف لا من قــــــــال

وتطيّحه ويقول راعيه كيف اوميــــــــــت = وانا ولَد شيخٍ وفارس وريث إرجـــــــــــال

صقله سريعة سبْق ما حَضَّرَت في بيـــت = جَتْ فوق روض وتحت غيمة وبين إصقال

تاتي على شفِّي وإلى شفتها مابطيــــــــت = آتي واضمِّر عُرفها وامشطه لا مـــــــــــال

كَنْها هديل الله معاها ليا ناديـــــــــــــــــت = تسعى وتضحك لي واصفّق واقول إتعـــالـ

ـي هاتك الله يحفظك يا يَبَه واقفيـــــــــــت = عنها وتلحقني وانا ماقصد الاجفــــــــــــال

من حبِّي اتلاعبْ لها وإن بكَتْ هدِّيـــــــت = وارجع لها اسرع قبل ماتذرف الهمَّـــــــال

لا من دعيت إتلبّني وإن دعَت لبّيــــــــــت = علاقةٍ ماهي بتشرى ولا تنكــــــــــــــــــال

العلم انا فوق الكنَب واقتفيت الليــــــــــــت = حولي بشر واجناب واهل المكان إقبــــــال

قُلت الخلا فالقلب يا ليه ما ولِّيـــــــــــــــت = قبلك عيون إتقول من كُبرها فنجـــــــــــال

وحلوق والسنةٍ طويلة وما دريـــــــــــــــت = إمَّا نذب الريع والجال لين الجــــــــــــــال

والاَّ استدر للخلف وتهدّ ما بنيــــــــــــــــت = واقعد بليَّا حال واقعد بليَِّا فـــــــــــــــــــال

ماخذت من بوك الدها والربوع الصيـــــت = والاَّ خَذيت وتنتظر غيرك إليا طــــــــــال

الناس طالت وانت ملِّيت ما بديــــــــــــــت = يالله على العليا تقُوم الحظوظ ادبــــــــــال

اصبحت لين امسيت وامسيت لين اضحيت = واقطبت منطوق العرب فالخفى والبـــــال

وكزِّيت روحي لين فوق العَجَب طبّيــــــت = ما حولي الاَّ نفسي ولا هناك ابطــــــــــال

وين الجيوش وقادة الجيش ذا هقيـــــــــــت = وين المبارَز والمرَه لا إحذفَت بالشــــــال

إتسطِّي الهايف وياتي بشي ما ريـــــــــــت = مير البلا ما به معارك ولا به شــــــــــال

ادوار قِدها مفبركة منَّها ونّيـــــــــــــــــــت = وحَشْرَجْت شيٍ في خفوقي تقول إخيــــال

من بعدها عاينت كذب البشر واوعيـــــــت = بعض الاوادم تشتري بعضها بالمــــــــال

وذي خرَّبت شكل الحقيقة وانا غنِّيــــــــــت = ضاع الولد والرجْل والعم ويَّا الخــــــــال

حسَبْت لو ماني بالآخير ما بقِيــــــــــــــــت = لين اقتنعت إنِّي على ما مشيت اميـــــــال

كُلّْ البلاد الِّي على قاعها مرِّيـــــــــــــــــت = اثري على راس الجبل والبلاد إرمــــــال

تحياتي

الأخ:أبوهديل كم أنت مميز وكم أنت رائع
أجبرتني على قراءة القصيده حرفا ورى الأخر
أبحرت معك إلا شواطئ بعيده وعشت لحضات هذه القصيده
إذهب فأنت شاعري المميز هذا ماأستطيع ان أقوله

صح لسانك يامبدع

لاهنت

تقبل اعجابي وتقديري

بيض الله وجهك وصح الله لسان على هذا الكم الهائل من الجمال والروعه
قصيده مجلجله بمفرداتها وبصداها الذي ملأ المكان.

لك مني كل الإعجااب ومزيدا من التألق والتميّز

صح لسانك يابوهديل

احس اني اقرا اسلوب رائع وجديد لابوهديل

أسأل الله لك التوفيق

اخي دماوي حيل قصيده في غاية الروعه وتجر الواحد ان يقراها اكثر من مره لمافيها من كلمات راقيه جدآ:وفقك الله .واقول ماشاء الله تبارك الله

صح لسانك اخي دماوي حيل رائع كعادتك
اتمنى لك دوام التوفيق

صح لسانك اخي دماوي حيل مبدع كعادتك
اتمنى لك دوام التوفيق

الاخ محمد ال زميم
صح بدنك واشكرك على مرورك الرائع واشكرك على ملاطفتك الاجمل ودمت بخير

الاخ صبي الروحا
صحة ابدانك ولاهنت على مرورك الجميل

الاخ ابو حامد
صح بدنك ومرورك شرف واشكرك على شعورك الجميل وذوقك

الاخ علي الساهري
صح بدنك وحياك الله في متصفحتي ووجودك شرف

الاخ محمد مزهر
لاهنت يالغالي على مرورك الجميل

الاخ الشيخ ابو حوفان
مرورك شرف ووسام وصح بدنك ولاهنت على كلامك الاجمل وتقبل تقديري

الاخ ابو نواف
حياك الله وصح بدنك ولاهنت يالغالي

من كل قلبي اشكركم وتقبلو تواضعي واحترامي وعذري على اي تقصير

ودمتم بحفظ الرحمن

اخي الكريم ... دماوي حيل

احييك ... واهنيك على هذه القصيده الرائعه

وعلى هذه المفردات الاصيله المستمده من اصالتك

كما يسرني أن أبارك لك مشاركتك المشرفه في شاعر المليون

وأتمنى لك مزيد من التوفيق

بيض الله وجهك وجمل الله حالك

لك تحياتي وتقديري