فوق هام السحب ( الشعر الشعبي) على متن القوافي

إن شانت الدنيا ترا العمر مقسوم
‏محدٍ حياته جت على ما يريده

‏دايم تفائل بالامل واترك اللوم
‏عش لحضتك واللي مضى لا تعيده

الحظ ماهو حظ من يملك المال
‏الحظ حظ اللـي تمّسك بدينه

‏الخير في قلبه توّثق ولا زال
‏وبعد رضا الله مرضيٍ والدينه

يابوي مالي في حياتي مطاليب
‏رضاك عني " غايتي وامنياتي "

‏يا تاج راسي يا معلمني الطيب
‏يا عزوتي يا هيبتي يا غناتي

اللي تعود على الصاحين
يتعب مع العالم المرضى

مدام قولك وفعلك زين
اللي زعل منك لا يرضى

سبحان من يعطي قـبول المخاليق
‏وسبحان من يفرق عطا عبد عن عبد

‏بعض الأوادم شوفها يجلي الضيق
‏وبعض الأوادم شوفها يلوع الكبد

بعض العـرب طبعه صراحه يحيّر
‏ليا تركته جاك وإن جيت خلّآك
‏ظ°
‏و بعض العرب مثل الذهب ماتغيّر
‏مادام له عندك قدر صعب ينساك

ادمح ( الزلة ) قدر ماتستطيع
‏وصد عن بعض الامور وخلها
‏
‏والمشاكل لو تجي مع كل ريع
‏( الله ) اللي جابها ويحلها

اصبر على ما جاك وإقبل بما جاك
وحبل الرجا خله مباري لـ حبلك
ظ°
لو تضرب الدنيا من هناك لـ هناك
مالك من الدنيا سوى ما كتب لك

ما تغيّر شي واللي فات ماله قيمه
‏علّم اللي ضيّع الفرحه ولا دوّرها!!

‏مابقى في ذا البلاد الا فقير وغيمه
‏كل مامرت عليه وشافها صورها.!!

‏تظاهرت اني سالي ولاعلي خلاف
‏وعيني تروب بصافي الدمع وتريقه

‏هني من غفت عينه بنومه وجر لحاف
‏ولاقزته بعض التفاكير و الضيقه