منتديات قبائل شمران الرسمية


المنقولات الأدبية لكل ما هوا منقول من شعر وخواطر

إضافة رد

 
أدوات الموضوع إبحث في الموضوع انواع عرض الموضوع

قديم 03-26-2020, 11:28 PM   #1
مساعد للمدير العام ومستشار للمنتدى
 
الصورة الرمزية الحمدان
 

الحمدان is on a distinguished road
افتراضي البرق لعيون المولع مناديب

البرق لعيون المولع مناديب
والبيد لأقدام الخلاوي ركايب

وأرواحنا لهموم بقعاء معازيب
و معزب الأرواح قبر ونصايب

سبحان من يخفي عن العالم الغيب
وخلّ الوعد مع نازع الروح غايب

كلن يسوق الرجل ويروح ويجيب
أحدن يجيب بسلم واحدن نهايب

أحدن يجيب الفود والعز والطيب
واحدن يذله كل ماكان جايب

ومن لاستر وجهه عن الذل والعيب
ماعاد يلقى لذل وجهه طبايب

ومن لاحمى وجهه قبل طلعة الشيب
محدن يعوضه وجه لاصار شايب

ولاصار ذكرك فوق روس المراقيب
خلك على دربك ترى الدرب صايب

اتصير في عيون النشاما كما الذيب
وفعيون عدوانك عطيب الضرايب

موت الفتى بالمرهفات المحاديب
أخيـيـر من حين مع الناس خايب

موتن تباكاله عيون الأجانيب
ولاعيشتن تدعي عليها القرايب

واللي نـفـوسن ماتروم المواجيب
واللي يدينن ماتسد النوايب

عذر الردي ماكل من يجهد مصيب
عود الحماطه كاسرتها الهبايب

مايخلف الهقوه اطوال الأشانيب
صحيح من قال المراجل وهايب

يربى على الشاهوب عكف المخاليب
والا الوطى يرباه بوم الخرايب

من راقب العالم يشوف التعاجيب
ومن طاول الدنيا يشوف الغرايب

غير النبي محدن بليا عذاريب
وكلن على الثاني سيوله جذايب

ما كامل إلا وجه جزل التواهيب
ولا رابح إلا اللي من الذنب تايب

كلن ذنوبه تغرق الكم و الجيب
وكلن عليه امن الليالي مصايب

ليه الحسد والغل والشك والريب
وليه القطيعة واندلاع الحرايب

يولد الأحقاد شذب العراقيب
والحقد سمن فالمعاليق ذايب

شرارتن من ملحقين المشاهيب
من ناشته خلت ضلوعه حطايب

يومون بالأمواس مثل القصاصيب
ذنبن يوقف منه قطر السحايب

لعل من يفرح بشيل المشاعيب
ويصير في فرقى الرفاقه سبايب

تقطع عراويه من الرزق والصيب
ويموت ماتنظر عيونه حبايب

وتصفى النفوس ويركدن المشاريب
لا به ذنب عقرب ولا به نشايب

هذا بعض ما علمتني التجاريب
اللي من الأيام جتني جلايب

لا كامل إلا وجه اللي يعلم الغيب
ولارابح إلا اللي عن الذنب تايب



للشاعر : خالد بن مدعث الدوسري



الحمدان متواجد حالياً   رد مع اقتباس
قديم 03-27-2020, 04:55 PM   #2
مشرفة قسم عالم حواء
 
الصورة الرمزية شمرانية الروح
 

شمرانية الروح is on a distinguished road
افتراضي رد: البرق لعيون المولع مناديب

شكرا على المشاركة الرائعة وقصيدة مميزة
واصل تألقك معنا والله يعطيك العافية
تحياتي وتقديري لك
نقره لعرض الصورة في صفحة مستقلة



التوقيع

نقره لعرض الصورة في صفحة مستقلة
شمرانية الروح غير متواجد حالياً   رد مع اقتباس
قديم يوم أمس, 08:38 AM   #3
مساعد للمدير العام ومستشار للمنتدى
 
الصورة الرمزية الحمدان
 

الحمدان is on a distinguished road
افتراضي رد: البرق لعيون المولع مناديب

اقتباس:
المشاركة الأصلية كتبت بواسطة شمرانية الروح مشاهدة المشاركة
شكرا على المشاركة الرائعة وقصيدة مميزة
واصل تألقك معنا والله يعطيك العافية
تحياتي وتقديري لك
نقره لعرض الصورة في صفحة مستقلة


هلا بالاخت الغاليه
شمرانيه الروح
شرفتي متصفحي بتعقيبك الجميل
شكرا لك على تعقيبك وتواجدك
المستمر بمتصفحي لاعدمتك



الحمدان متواجد حالياً   رد مع اقتباس
قديم يوم أمس, 07:19 PM   #4
اداري عام للمنتديات
 
الصورة الرمزية ريحانة الطيب
 

ريحانة الطيب is on a distinguished road
افتراضي رد: البرق لعيون المولع مناديب



سبحان من يخفي عن العالم الغيب
وخلّ الوعد مع نازع الروح غايب

كلن يسوق الرجل ويروح ويجيب
أحدن يجيب بسلم واحدن نهايب

أحدن يجيب الفود والعز والطيب
واحدن يذله كل ماكان جايب

ومن لاستر وجهه عن الذل والعيب
ماعاد يلقى لذل وجهه طبايب

ومن لاحمى وجهه قبل طلعة الشيب
محدن يعوضه وجه لاصار شايب

ولاصار ذكرك فوق روس المراقيب
خلك على دربك ترى الدرب صايب





شكرا على الابيات الرائعة كلها حكمة

جزاك الله خيرا
لك كل الود والتقدير



التوقيع

ريحانة الطيب غير متواجد حالياً   رد مع اقتباس

إضافة رد

مواقع النشر




(مشاهدة الكل عدد الذين شاهدوا هذا الموضوع : 3 :
, ,
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

Powered by vBulletin® Version 3.8.7
Copyright ©2000 - 2020, vBulletin Solutions, Inc. Trans by
جميع الحقوق محفوظة لـ منتديات شمران الرسمية