أوضاع المحبة ❤️️

أوضاع المحبة



من العام وأوضاع المحبة على ما هي
تمر السنين وصافي الحب فيه وفيه
نعذر الجفا حتى لو أن العذر واهي
على شان وجه الحب يسلم من التشويه
أنا أذكر يوم أنه قال في وجهي وجاهي
ما أبيعك وأنا مثله حلفت له ما أخليه
أنا أموت ما أنطق كلمة البعد من فاهي
وأبا أعيش أحبه وأعشقه وأطرب لطاريه
“يا قلبي” بعد ما قلت أحبك على شفاهي
أبي تحتمي كلمتك من غير كيف وليه
دخلت الهوى وأنت متغطرس ومتباهي
وأنا أدري دخولك فيه ما هوب للترفيه
خذاك الكلام العذب والمستوى الراهي
وغرر بك اللي لا ضحك قلت يا لبيه
بعد ما تمكّن وأصبح الآمر الناهي
تحمّل ما تلقى منه لو ضيّعك فالتيه
يا سمّار بين الدلة وكاسة الشاهي
ترى حالتي ما تقبل النصح والتوجيه
بقلم/غنج العتيبي